Lajme

Fushë Kosovë: Trotuari bllokohet me vetura, qytetarët rrezikojnë duke ecur në rrugë

Autori: Gazeta inFokus 15:31 | 13 November 2023

Një problem i madh me të cilin tash e një kohë të gjatë përballen qytetarët e Fushë Kosovës është parkimi i veturave në trotuare.

Qytetarët sot kanë dërguar në redaksinë e Infokusit disa fotografi nga ky qytet ku shihet se veturat kanë bllokuar trotuaret dhe qytetarët obligohen të ecin në rrugë, duke rrezikuar kështu edhe të goditen nga veturat.

E përveç trotuarit veturat kanë zënë edhe shiritin për çiklistë. Ky është njëri ndër problemet e shumta me të cilin përballen çdo ditë qytetarët e Fushë Kosovës, derisa ende nuk është ndërmarrë asgjë nga komuna.

-Advertisement-

Madje ka edhe të tillë kompani të taksive, që kanë parkuar veturën, në rrugën ku qytetarët supozohet të dalin nga lagjet për në rrugën kryesore duke bllokuar kështu totalisht daljen e tyre./Gazeta Infokus/