Lajme

Në Hagë vazhdon gjykimi ndaj ish-krerëve të OVL-UÇK-së

Autori: Gazeta inFokus 07:46 | 30 October 2023

Në Dhomat e Specializuara të Kosovës (DHSK) në Hagë, sot, vazhdon gjykimi i Thaçit dhe të tjerëve.

Ndryshe, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, më 17 tetor, ka vazhduar dëshminë dëshmitari 30-të. Ndërkohë që kjo seancë nga fillimi deri në përfundim ishte e mbyllur.

Kryetari i trupit gjykues, Charles Smith III, në fund të seancës së 17 tetorit paralajmëroi se seanca e radhës është më 30 tetor (sot).

-Advertisement-

Sipas përmbledhjes së lexuar në gjykatë, dëshmitari është ish-pjesëtar i Ushtrisë Çlirimtare të Kosovës.

Ndryshe, as ditën më 16 tetor nuk ka dëshmuar dëshmitari i 29-të në edhe pse ishte caktuar që dëshmia e tij të dëgjohej këtë ditë.

Në çështjen gjyqësore Thaçi dhe të tjerët, për këtë javë pritet të mbahen dy seanca, sot dhe nesër, transmeton RTKlive.

Gjykimi ndaj ish-krerëve të UÇK-së ka nisur më 3 prill kurse të akuzuarit janë deklaruar të pafajshëm.

Aktakuza e parë kundër katër të akuzuarve u konfirmua më 26 tetor 2020 dhe u bë publike më 5 nëntor 2020. Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore.

Subscribe në YouTube: GAZETA INFOKUSI
Etiketa:
Fillon aplikimi për Global Engineer Girls Kosova
-Advertisement-

Të tjera

Fokusi

lajme