Lajme

Gati 7 orë nga fillimi i bisedimeve në Bruksel, s’ka ndonjë njoftim për rezultatin tyre

Autori: Gazeta inFokus 20:19 | 26 October 2023

Pasi vikendin e kaluar kryeministri i Kosovës, Albin Kurti, priti në zyrën e tij në Prishtinë Pesëshen e Bashkimit Evropian, Shteteve të Bashkuara të Amerikës,  Gjermanisë, Francës, Italisë, sot ai po bisedon me përfaqësues të lartë evropianë për çështjen e dialogut me Serbinë.

Nuk dihet nëse Presidenti i Francës, Kancelari i Gjermanisë dhe Kryeministrja e Italisë kanë mundur të krijojnë atmosferën takim edhe me presidentin e Serbisë, Aleksandër Vuçiq, që po ashtu ndodhet në Bruksel dhe po zhvillon takime me të njëjtit funksionarë të lartë.

Të enjten, Bashkimi Europian ka publikuar pamjet nga takimi i kryeministrit Albin Kurti me presidentin e Këshillit Europian, Charles Michel, kancelarin gjerman, Olaf Scholz, presidentin francez Emmnuel Macron dhe kryeministren italiane, Giorga Meloni. Pjesë e takimit ishin edhe Përfaqësuesi i Lartë i BE-së, Josep Borrell, si dhe emisari Miroslav Lajçak.

-Advertisement-

Ndërkohë tashmë, Kurti ka nisur një takim me emisarin e Bashkimit Evropian, Miroslav Lajçak për të cilin s’ka ndonjë njoftim nga Brukseli. Tashmë kaluar rreth 7 orë që nga fillimi i takimeve, të cilat nuk kanë përfunduar.

Bashkimi Evropian është shprehur optimist për arritjen e rezultateve në këtë proces.

E një nga temat që po diskutohet është edhe drafti për Asociacionin  e komunave me shumicë serbe, që tashmë i është dorëzuar palëve bashkë me planin për zbatimin e marrëveshjeve.

Këto zhvillime vijnë, pasi më 24 shtator në veri të Kosovë ka pasur një sulm  terrorist, për të cilën autoritetet kosovare kërkojnë nga bashkësia ndërkombëtare ta sanksionojnë Serbinë.

E në Serbi, presidenti i këtij vendi, Aleksandër Vuçiq ka deklaruar të mërkurën për Radio Televizionin Publik të Serbisë se “shqiptarët do të gjejnë arsyje për t’i ikur implementimit të Asociacionit”

Subscribe në YouTube: GAZETA INFOKUSI
Etiketa:
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme