Lajme

Izraeli thotë se fushata ushtarake në Gaza mund të zgjasë me muaj

Autori: Gazeta inFokus 11:12 | 23 October 2023

Ministri i Mbrojtjes i Izraelit, Yoav Gallant, thotë se fushata e ushtrisë në Gaza “mund të zgjasë një, dy ose tre muaj, por në fund nuk do të ketë më Hamas”.

Gallant foli pas një konference operacionale në Qendrën e Komandës dhe Kontrollit të Operacioneve të Forcave Ajrore Izraelite, shkruajnë mediat e huaja, përcjell Telegrafi.

“Për sa i përket aspekteve operacionale të manovrimit, në fund të ditës, asgjë nuk do ta ndalojë IDF-në (Forcat e Mbrojtjes së Izraelit)”, tha ai.

-Advertisement-

“Ky duhet të jetë operacioni ynë i fundit i manovrimit në Gaza, për arsyen e thjeshtë se më pas nuk do të ketë më Hamas”.

Ministri shprehu vlerësimin e tij për forcat ajrore dhe tha se faza tjetër, një operacion tokësor i shumëpritur, “do të vijë së shpejti”.

Por se sa shpejt, mbetet e paqartë.

Ndërkohë, në intervista të veçanta, dy zëdhënës të Forcave të Mbrojtjes të Izraelit trajtuan pyetjen se kur do të ndodhte një ofensivë e tillë.

Nënkoloneli Peter Lenner i tha BBC-së Newshour se koha do të merrte parasysh përpjekjet për lirimin e dhjetëra pengjeve të mbajtura nga Hamasi.

“Ofensiva tokësore, nëse ndodh, do të jetë në kohën më të mirë operacionale”, thotë ai.

Ndërsa nënkoloneli Jonathan Conricus i tha “Australian Broadcasting Corporation” se “lufta do të përfundojë” nëse Hamasi dorëzohet dhe liron pengjet e tyre.

Nëse Hamasi refuzon, Conricus tha, “ne ndoshta do të duhet të hyjmë dhe ta bëjmë atë”.

Subscribe në YouTube: GAZETA INFOKUSI
Etiketa:
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme