Fokus

Alarmon njohësi i çështjeve të sigurisë: Edhe njësi të tjera mund të bojkotojnë policinë përveç Njësisë Speciale të Intervenimeve

Autori: Gazeta inFokus 12:31 | 19 October 2023

Njësia Speciale e Intervenimeve NJSI apo siç njihet ndryshe si FIT, po shqyrton mundësinë për largimin nga Policia e Kosovës, shkruan Gazeta Infokus.

Kështu u raportua sot nga mediumi Albanian Post, e që sipas tyre kjo po vjen pas pakënaqësisë së kësaj njësie se si po trajtohen nga qeveria e Kosovës.

Në një deklaratë për Gazetën Infokus, njohësi i çështjeve të sigurisë, Drizan Shala ka thënë se kjo tregon që gjendja dhe pakënaqësia brenda policisë së Kosovës është ndryshe nga ajo siç po e paraqet qeveria në publik.

-Advertisement-

“Bojkoti brenda Njësive Speciale të filluar nga NJSI është tregues që realiteti mbi gjendjen e tyre por edhe njësive tjera por edhe gjithë strukturës se PK është me ndryshe nga ajo që ka deklaruar dhe deklaron ministri dhe qeveria. Mos përkujdesi shtetëror por edhe institucional nga kjo qeveri pasqyron edhe një element tjetër të “gënjeshtrës” që ju janë dhanë për kushtet me te mira brenda fushë veprimtarisë së tyre”, ka thënë Shala.

Ai madje ka ngritur alarmin se një bojkot i tillë i kësaj njësie është vetëm fillimi dhe se nëse qeveria nuk reflekton do të ketë edhe bojkote të tjera brenda Policisë së Kosovës.

“Ky bojkot do të jete fillimi nga ajo që mund të pritet me struktura tjera brenda policisë në rast që nuk do të këtë reflektim nga niveli politik. Për sigurinë kjo nuk paraqet ndonjë pengesë substanciale për faktin që zyrtaret përpos që punojnë për pagat e tyre dhe nen kushtet të vështira ata mbrojtjen e vendit e kanë mision të betimit të tyre dhe në rast të një situate të ngjashme me 24 shtator prapë djemtë dhe vajzat me të mira të sigurisë do të jenë në kryer të sigurisë dhe detyrave që kanë”, ka thënë ai për Infokus.

Albanian Post: Njësia Speciale Intervenuese (NjSI/FIT) po shqyrton largimin nga radhët e policisë

 

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

fokus