Lajme

Pamje të reja: Momenti kur militantët e Hamasit ekzekutojnë dhe rrëmbejnë pjesëmarrësit e festivalit në Izrael

Autori: Gazeta inFokus 12:18 | 10 October 2023

Festivali Nova që zhvillohej në jug të Izraelit shumë pranë Rripit të Gazës, u kthye në një lum gjaku dhe viktimash, pas sulmit nga militantët e Hamasit mëngjesin e së shtunës.

Të paktën 260 njerëz u vranë nga Hamasi, ndërsa tmerri që kanë përjetuar pjesëmarrësit në festival mund të kuptohet lehtë nga pamjet e kamerave të një makine që ndodhej e parkuar aty.

Një video që po bën xhiron e rrjetit tregon një anëtar të Hamasit të armatosur rëndë që shihet duke vrapuar dhe qëlluar plumba mbi njerëzit, ndërsa një prej tyre e merr peng.

-Advertisement-

Disa sekonda më vonë, ai e kap të riun e gjakosur për qafe dhe e tërheq zvarrë.

Aty po ashtu duket se një pjesëmarrës tjetër në festival është shtirur si i vdekur pas një makine tjetër dhe ngre kokën lart për të vlerësuar rrezikun.

Por ai duket të ketë qenë i pafat, pasi një tjetër militant i Hamasit shfaqet në largësi dhe e qëllon në kokë.

Pamjet u regjistruan gati tri orë pas sulmit dhe sirenat e frikshme të alarmit dëgjohen në video.

Subscribe në YouTube: GAZETA INFOKUSI