Lajme

Muharremi: E ardhmja e Kosovës nuk varet nga Lajçak

Autori: Gazeta inFokus 17:42 | 06 October 2023

Njohësi i çështjeve për integrime evropiane, Shenoll Muharremi, ka thënë se e ardhmja e Kosovës nuk varte nga emisari i Bashkimit Evropian, Miroslav Lajçak.

Përmes një postimi në Facebook, Muharremi ka thënë se Lajçak ka dështuar edhe në lehtësimin e dialogut mes Kosovës dhe Serbisë.

“E ardhmja e Kosovës nuk varet nga Lajçak. Nuk është punë e lehtësuesit të dialogut të dështuar të kërcënoj dhe ndërlidhë të ardhmen e rajonit më një (model të) dialog(ut) që ka prodhuar akte terroriste në vend të paqes. As nuk është kompetent Lajçak të flas për të ardhmen Evropiane të Kosovës e të rajonit. Puna e tij specifike ka qenë të lehtësoj dialogun mes Kosovës dhe Serbisë dhe tashmë është e qartë që ai ka dështuar në rolin dhe punën e tij”, ka shkruar ai.

-Advertisement-

Gjithashtu, ai ka thënë se emisari i BE-së duhet të mendoj se si ndodhi që derisa ai ishte përgjegjës për dialog Serbia mori zemër dhe guxim të organizoj sulme terroriste mbi Kosovën.

Madje, Muharremi vlerëson se të gjithë të përfshirët në këtë dialog, e sidomos Lajçaku, duhet të marrin përgjegjësi dhe të japin llogari.

“Normal që dialogu për paqe dhe stabilitet në Ballkanin Perëndimor do të vazhdoj dhe Kosova e Serbia duhet të normalizojnë marrëdhëniet parasë të anëtarësohen në Bashkimin Evropian. Por Kosova nuk e pranon terrorizmin si mjet të levës. Kosova gjithmonë ka qenë dhe do të jetë e gatshme të bisedoj dhe kontribouj për paqe dhe stabilitet të rajonit. Kjo nuk do të thotë që ne duhet të vazhdojmë me modele të dështuara që kanë japur efekte negative për rajonin”, ka shkruar Muharremi.

Postimi i plotë:

/Gazeta Infokus/

Subscribe në YouTube: GAZETA INFOKUSI