Drejtori i Qendrës Spitalore Klinike në Mitrovicë të Veriut, Zlatan Elek, ka thënë se policia e Kosovës ka ndërhyrë në këtë institucion, i cili është paralel dhe financohet nga shteti i Serbisë.

Elek tha se sulmi ka qenë i dhunshëm dhe është kryer pa dijeninë e punonjësve të këtij institucioni mjekësor dhe as njoftimin paraprak.

Ai tha në konferencën për media se sot në mëngjes rreth orës 6 ka ndodhur ndërhyrja e policisë, sipas tij, “njësiti antiterror, me armë të gjata dhe forcat speciale me rreth 15 xhipa të blinduar”.

-Advertisement-

“Asnjë nga drejtuesit e administratës, duke filluar nga unë, nuk ishte i informuar. Ka pasur një thyerje të dhunshme në derën e lavanderisë” dhe një derë tjetër, ka thënë Elek, transmeton Klankosova.tv.

Doktori Zlaten Elek tregon se 15 minuta pas nisjes së aksionit, “komandanti serb ka folur me ta dhe ka thënë se kanë urdhër bastisje nga gjykata”.

“Kur pyetëm se çfarë kërkonin, ai nuk donte të përgjigjej, na tha se donte të shihte edhe dhomën ku ndodhet video survejimi nga porta e hyrjes, i shpjegova dhe i thashë që nuk ka nevoja për një ndërhyrje të dhunshme, se po shkaktonte ankth te punonjësit, te studentët që vinin për praktikë, te pacientët tanë, dhe ne ishim sa më konstruktivë dhe u ofruam të hapnim çdo dhomë, gjë që ata refuzuan dhe nuk donin të flisnin”, thotë Elek.

Sipas tij, nga zyra e shefit të sigurimit të spitalit në Mitrovicë të Veriut është marrë video-incizimi dhe është dorëzuar një raport në gjuhën shqipe, pa dygjuhësi, në të cilin thuhet se është bërë kontroll dhe se nuk është gjetur asgjë.

“Nuk e dimë as se çfarë është kërkuar. Punëtori që ka firmosur raportin është mërzitur, ka kërkuar ndihmë psikiatrike, në orën 07:15, kur pothuajse të gjithë punëtorët kanë ardhur në punë, janë larguar nga rrethi i Spitalit pa asnjë shpjegim se pse ata e kanë bërë këtë dhe unë pretendoj pa nevojë”, tha Elek.

Zëvendësdrejtori i Spitalit të Mitrovicës Veriore dhe ish-kryetar i komunës së Zveçanit, Dragisha Miloviq tha se ndoshta dikush po përpiqet t’i frikësojë ata në këtë mënyrë, të largohen nga puna, por se ata do të vazhdojnë të punojnë.

Ai tha se ky spital nuk bën dallime etnike, dhe trajton të gjitha komunitetet. “Është i vetmi spital multietnik në qendër të qytetit ku trajtohen edhe pacientë të tjerë – joshqiptarët, romët, të gjithë. Jemi të hapur për të gjithë”, tha Miloviq në konferencë për media pas aksionit të policisë së Kosovës në këtë objekt shëndetësor.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-