Lajme

U gjet arma e krimit dhe u arrestua i dyshuari – gjithçka që dihet për vrasjen e 48-vjeçarit në Prizren

Autori: Gazeta inFokus 09:23 | 05 September 2023

Një vrasje e rëndë ka tronditur vendin mbrëmjen e së dielës. Në lagjen “Arbanë” të Prizrenit një 48-vjeçar me inicialet B.M ka mbetur i vrarë nga arma e zjarrit.

Lidhur me rastin, është arrestuar i dyshuari Aziz Gashi, i cili me vendim të prokurorit është dërguar në mbajtje.

Policia e Kosovës ka konfirmuar se ai është arrestuar në Tërpezë të Malishevës, ndërsa në një objekt tjetër është gjetur arma me të cilën dyshohet se ka kryer krimin.

-Advertisement-

Policia del me detaje të reja: Në fillim u gjet arma e krimit, pastaj u lokalizua i dyshuari për vrasjen në Prizren
“Po është arrestuar gjatë ditës. Gjatë ditës është bastisur së paku një objekt, aty nuk është gjet i dyshuari, por arma e tij që dyshohet se është përdorë. Në mbrëmje është arrit të lokalizohet i dyshuari, në fshatin Tërpezë të Malishevës”, ka thënë zëdhënësi i policisë rajonale të Prizrenit, Shaqir Bytyqi.

Sipas tij, dyshohet se Aziz Gashi kishte shtënë me pushkë automatike në drejtim të viktimës nga automjeti në lëvizje dhe kishte ikur nga vendi i ngjarjes.

Ndërkaq përmes një njoftimi për media, policia ka bërë të ditur se në lokacionin ku është gjetur arma janë gjetur edhe disa sende personale të të dyshuarit.

“Gjatë ditës së sotme me urdhër të Prokurorit dhe me autorizim të Gjykatës Themelore në Prizren, është bastisë një lokacion në Malishevë ku është dyshuar se mund të gjendet i dyshuari, në atë lokacion nuk është gjet i dyshuari por është gjet një armë-pushkë automatike që dyshohet se është përdor në rastin e krimit, në lokacionin e njëjtë janë gjetur edhe disa sende personale të dyshuarit”, thuhej në njoftim.

Sipas policisë, i dyshuari dhe viktima kishin pasur një mosmarrëveshje e cila kishte sjellë deri tek rasti tragjik./Telegrafi/

Subscribe në YouTube: GAZETA INFOKUSI
Etiketa:
Hej, hej, hej, erdhi Black Friday me zbritje deri në 75% në Comodita Home
-Advertisement-

Të tjera

Fokusi

lajme