Lajme

Arrestohet i dyshuari në Prishtinë, prodhoi dhe shpërndau produkte të dëmshme mjekësore

Autori: Gazeta inFokus 16:39 | 01 September 2023

Është arrestuar një person në Prishtinë nën dyshimin për veprën ‘prodhimi dhe shpërndarja e produkteve të dëmshme mjekësore’

Këtë e konfirmoi Policia e Kosovës përmes një komunikate për media.

”Gjatë kontrollit në një barnatore është hasur një sasi barnash (lloje të ndryshme) pa banderola të Republikës së Kosovës, të cilat dyshohet se në vendin tonë kanë hyrë në formë të kontrabanduar andaj të njëjtat janë evidentuar në procesverbalet e Inspektoratit të Ministrisë së Shëndetësisë dhe janë konfiskuar në bazë të procedurave të tyre të punës”, thuhet në njoftimin e policisë.

-Advertisement-

I dyshuari është intervistuar në prezencë të avokatit mbrojtës dhe njëkohësisht është bërë edhe verifikimi i së kaluarës kriminale për të dyshuarin ku rezulton se i njëjti në muajin mars të këtij viti kishte qenë i përfshirë në një rast të njëjtë, për vepër të njëjtë penale.

Ndërsa me vendim të prokurorit kujdestar, i dyshuari është ndaluar për 48 orë.

Subscribe në YouTube: GAZETA INFOKUSI
Etiketa:
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

lajme