Lajme

Haradinaj viziton një shkollë në Suharekës, ulet pak në bankën e fundit

Autori: Gazeta inFokus 12:11 | 01 September 2023

Kreu i AAK-së, Ramush Haradinaj, zgjodhi një komunë ku udhëheq partia e tij për të vizituar fëmijët që sot nisën ditën e parë të shkollës.

Ai tha se hyrja në një klasë me fëmijë i dha atij emocion, derisa tha se kanë synim rritjen e cilësisë në arsim.

“Sot më shumë se çdo herë u emocionova teksa pashë nxënësit në hapat e tyre të parë në një botë me plot mundësi. Nxënësve ju thashë se jemi bashkë me ta, mësimdhënësit dhe prindërit, në synimin tonë drejt rritjes së cilësisë së arsimit dhe ndërtimin e një të ardhme më të ndritshme për vendin”.

-Advertisement-

Ai foli edhe për takimin që pati me kryetarin e komunës.

“Në ditën e parë të vitit të ri shkollor, pata nderin të vizitoj Komunën e Suharekës dhe të bisedoj me kryetarin Bali Muharremaj, një kryetar shembull për angazhim në të gjitha sferat e jetës. Bashkë me kryetarin dhe deputeten Albana Bytyqi, po ashtu vizituam shkollën më të vjetër në Suharekë, shkollën fillore “7 Marsi”, me ç’rast takuam personelin dhe nxënësit”.

“Urime nxënës, mësimdhënës e prindër të dashur!”, ka përfunduar Haradinaj.

Subscribe në YouTube: GAZETA INFOKUSI
Etiketa:
BKT Kosova hap degën më te re në qytetin e Suharekës
-Advertisement-

Të tjera

Fokusi

lajme