Lajme

Problemet me faqen e-Kosova, Abazi: Zgjidhja është e lehtë, por po transformohet në çështje kritike

Autori: Gazeta inFokus 19:07 | 25 August 2023

Platforma online e-Kosova, ku prindërit duhet të aplikojnë për rimburësimin e mjeteve për blerjen e teksteve shkollore, ka pasur disa probleme me funksionimin sot.

Në lidhje me këtë, inxhineri i teknologjisë informative, Blerton Abazi, ka thënë se e-Kosova gjithmonë po ballafaqohet me këtë problem ku si arsye të parë tha se është lajmërimi i vonshëm për t’u kyçur në sistem.

“Dhe e dyta, sistemet që i kemi të ndërlidhura mbrapa platformës e-Kosova, fyti i ngushtë i transmetimit të të dhënave dhe komunikimit me sistemet lidhëse e shkakton këtë problem”.

-Advertisement-

“Një problem i tillë po na shfaqet gjithmonë, duke marrë parasysh edhe me problemet që i kemi pasur edhe me Trustin, me pjesën e vaksinave e subvencionet për studentë”, tha Abazi në “Info Magazine” në Klan Kosova.

Tutje, ai tha se ndonëse zgjidhja është e lehtë, kjo po transformohet në një çështje që po është shumë kritike për çdo person që ka nevojë të aplikojë në e-Kosova.

“Aktualisht platforma deri diku aktualisht është në rregull, por kjo çështje të adresohet dhe të përmirësohet kjo pasi është përsëritur disa herë ky problem”, tha ai.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme