Ish ministrja e Arsimit nga Lidhja Demokratike e Kosovës, Hikmete Bajrami ka reaguar pasi ministrja aktuale, Arbërie Nagavci dha lajmin se do të ua vendosin mjetet prindërve që vetë ata të blejnë librat shkollor.

Bajrami ka thënë se këtë dështim të ministrisë do ta paguajnë prindërit dhe nxënësit dhe se kjo vonesë do të ketë pasoja në të gjithë sistemin e posaçërisht tek nxënësit dhe prindërit.

Derisa ajo ka komentuar edhe deklaratën e ministres së shtëpitë botuese dhe kompanitë kanë rritur çmimet, shkruan Gazeta Infokus.

-Advertisement-

“Nisma e Ministrisë së Arsimit që t’i ngarkojë prindërit me blerjen e librave shkollor vetëm një javë para se të nisë procesi mësimor është nismë e gabuar, e vonuar që do të ketë pasoja për gjithë sistemin e posaçërisht për nxënësit dhe prindërit e tyre.  Shteti nuk duhet t’i nënshtrohet asnjë shantazhi dhe as kushtëzimeve eventuale nga ndonjë shtëpi botuese, por vendimet për gjëra kaq të rëndësishme për procesin mësimor duhet të merren shumë kohë më parë, të bëhen përgatitje dhe të mos pësojë gjithë shoqëria. Pra, kemi një dështim të MASHT-it meqë krejt në fund paskan marrë çmimet e larta nga shtëpitë botuese dhe tash i ngarkojnë familjet dhe prindërit e fëmijëve t’i blejnë librat.

Ajo ka ngritur edhe dilemën nëse librat do të kushtojnë më shtrenjtë se sa paratë që ministria do tu japë prindërve.

“Çka nëse mjetet financiare që i shpërndan MASHT-i për këtë qëllim nuk do të mjaftojnë?  Çka nëse s’ka libra mjaftueshëm në treg për nxënësit? Mungesat e librave në treg do të jenë të paevitueshme sepse shtëpitë botuese nuk do të printojnë libra pa u siguruar që do të ketë kërkesë, e kërkesa e prindërve do të dallojë nga ajo e MASHT-it. Kush garanton se këto shtëpi botuese kanë me ulë çmimin në rast se librat blihen nga prindërit? Kush e përcjellë tregun? Kush e monitoron furnizimin me libra të fëmijëve?”, ka thënë ish ministrja.

Për fund deputetja e LDK-së ka ngritur alarmin se mund të kalojnë muaj e nxënësit të mos mund të furnizohen të gjithë me libra derisa ka kërkuar që ministrja të marrë përgjegjësi dhe mos ti lërë nxënësit pa libra.

“Çka nëse kalojnë disa javë ose edhe muaj dhe nxënësit nuk arrijnë të furnizohen me të gjitha librat?  Vitin e kaluar fëmijët tanë e kanë humbë një muaj mësim dhe askush nuk ka marrë përgjegjësi.  Ministre, mos i merr në qafë fëmijët sepse kanë humbur një muaj mësim vitin e kaluar. Mos i lë fëmijët pa libra se këtë nuk ta kanë borxh”, përfundon Nagavci./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-