Lajme

Të dyshuarit në rastin e “Bon Vivantit” mbeten në paraburgim

Autori: Gazeta inFokus 20:12 | 17 August 2023

Të dyshuarit e rastit “Bon Vivant”, Andi Pajaziti “italiani”, Hisni Geci dhe Gëzim Zakuti, mbeten në paraburgim.

Kështu mori vendim Gjykata e Apelit.

Departamenti për Krime të Rënda, i ka refuzuar si të pabazuar ankesat e avokatëve të të dyshuarve.

-Advertisement-

“Në arsyetim të aktvendimit Gjykata e Apelit ka theksuar se gjykata e shkallës së parë drejtë ka arsyetuar se nga shkresat e lëndës respektivisht nga provat e mbledhura deri me tani ekziston dyshimi i bazuar se të pandehurit kanë kryer veprat penale për të cilat dyshohen dhe po ashtu nga provat e mbledhura deri me tani janë plotësuar kushtet ligjore, që janë kushte qenësore për caktimin e masës së paraburgimit:, thuhet në njoftimin e kësaj gjykate.

Rreth mesnatës së 4 gushtit, të dyshuarit përfshirë edhe i  ndjeri Kastriot Ramadani dhe Dukagjin Nikolla, i cili është në arrati, si dhe një person i cili është ende i paidentifikuar, ishin përfshirë në një zënkë në lokalin “Bon Vivant” në kryeqytet.

Si pasojë e të shtënave me armë zjarri, një person vdiq dhe 17 të tjerë  plagosën.

Ndërkaq, më 6 gusht Gjykata Themelore e Prishtinë ua ka caktuar një muaj paraburgim, të dyshuarve, Andi Pajaziti “italiani”, Hisni Geci dhe Gëzim Zakuti

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme