Lajme

Rekord botëror/ Uji i detit arrin temperaturat e ‘vaskës së nxehtë’ në Amerikë

Autori: Gazeta inFokus 10:10 | 26 July 2023

Teksa Evropa dhe Afrika Veriore përballen me zjarret, Amerika mund të ketë regjistruar ujin e detit më të nxehtë në botë.

Temperaturat e ujit në detin e Floridës kanë arritur nivelet e “vaskës së nxehtë”, në 38.4C, sipas një leximi fillestar.

Uji i nxehtë që rrethon shtetin amerikan ka shkatërruar shkëmbinjtë koralorë, thonë shkencëtarët.

-Advertisement-

“Kjo është një vaskë e nxehtë. Më pëlqen vaska ime e nxehtë rreth 100, 101 [37.8C, 38.3C]. Kjo është ajo që u regjistrua dje,” tha meteorologu i Yale Climate Connections, Jeff Masters.

Nuk ka të dhëna zyrtare të temperaturës së ujit, por një studim i vitit 2020 renditi 37.6C në Gjirin e Kuvajtit, në korrik 2020, si rekord botëror.

“Duket e besueshme që është një rekord,” tha meteorologu George Rizzuto, i Shërbimit Kombëtar të Motit, i cili regjistroi temperaturën.

Temperaturat e nxehta mund të mos pranohen si rekord sepse zona është e cekët, ka barëra deti në të dhe mund të ndikohet nga toka e ngrohtë në Parkun Kombëtar Everglades aty pranë, tha meteorologu tropikal i Universitetit të Majamit, Brian McNoldy.

Subscribe në YouTube: GAZETA INFOKUSI