Lajme

Armatimi i ushtrisë, Mehaj thirrje qytetarëve të japin kontribut duke dhuruar në Fondin e Sigurisë

Autori: Gazeta inFokus 11:47 | 17 July 2023

Ministri i Mbrojtjes, Armend Mehaj ka bërë thirrje që qytetarët të japin kontributin e tyre duke dhuruar në Fondin e Sigurisë.

Mehaj ka thënë se ushtria përmes investimit në armatime dhe pajisje të tjera ushtarake po konsolidohet në vazhdimësi.

“Që të jetë edhe më e fortë për të garantuar një Kosovë më të sigurt, të gjithë ju qytetarë të dashur mund të kontribuoni duke dhuruar në Fondin e Sigurisë në llogarinë aktive brenda apo jashtë vendit. Për kontribute brenda vendit mund të pëdorni llogarinë e hapur në BQK (foto 1), ndërsa jashtë vendit llogarinë ndërkombëtare (foto 2)”, ka njoftuar ministri.

-Advertisement-

Tutje, ministri ka thënë se për mënyra alternative se si të kontribuoni, tashmë është edhe faqja e dedikuar për Fondin e Sigurisë në eKosova që ofron informata e detaje shtesë: ekosova.rks-gov.net/Service/41

Së fundmi, Ushtria e Kosovës është pajisur me dronë të blerë nga shteti i Turqisë.

Subscribe në YouTube: GAZETA INFOKUSI