Ndahet nga jeta doktori amerikan që parashikonte ‘pushtim të rremë’ alien
Autori: Gazeta inFokus 10:08 | 25 May 2023
Dr Rashid Buttar ka vdekur para dy ditësh në moshën 57-vjeçare me pretendimet se ishte helmuar, teksa në transmetimet e tij të fundit parashikonte se në tokë po vjen “një pushtim i rreme alien”.
Ish-doktori i ushtrisë amerikane me specializime e kualifikime te shumta, që prej periudhës së Covid konsiderohej ‘konspiracionist’ dhe pretendonte se ishte helmuar disa ditë para vdekjes, ndërsa më herët paralajmëronte për “një pushtim të rremë alien” që do të realizohej së shpejti në tokë.Mediat shkruanin se Dr Rashid Buttar, i cili ishte pjesë e një grupi të njohur si “Dhjetëshja e Dezinformacionit”, vdiq papritur në fundjavë më 20 maj, në moshën 57 vjeçare.
Ai njihej si një udhëheqës i lëvizjes anti-vaksina dhe u bë një figurë e njohur gjatë pandemisë, me pretendime se Kovid ishte një “epidemi e planifikuar dhe e motivuar politikisht.”
Teoritë e tij ishin aq të njohura në SHBA si dezinformacion sa qendra dixhitale kundër nxitjes së urrejtjes e rendisnin atë mes 12 njerëzve që kishin gjeneruar rreth 65% të përmbajtjeve anti-vaksina në vitet 2020 deri në 2023.
Gjithsesi ai vdiq disa ditë pasi deklaroi se “i ishte dhënë një helm me përmbajtje 200 herë më të fortë sesa ajo që gjendej te vaksina” kur ishte i shtruar në spital. Ky koment vinte pas atij në rrjetin vendas CNN ku Buttar kishte krahasuar kreun epidemiolog të Shtëpisë së Bardhë, Anthony Fauci me diktatorin nazist Adolf Hitler, shkruan rrjeti britanik Daily Star.
Ndërsa në transmetimin e fundit ai bënte pretendimin e pabesueshëm se një pushtim alien do të njoftohej në tokë – por vetëm se do të ishte një ‘lajmërim i rremë’, në një ngjarje të inskenuar nga vetë qeveritë.
Në transmetimin e tij të 17 majit, Buttar dukej i tretur në fytyrë dhe thuajse pa flokë, teksa deklaronte në ekran: “Nëse e shikojmë të gjithë këtë historinë …me Covid, kjo ishte e planifikuar, dhe çështja e valutës është e planifikuar për punën e vaksinimeve, mendoj se do të ketë një tjetër event të madh të rremë”.
“Do të ketë ndonjë tip eventi si për shembull prezantimi i jetës nga jashtë planetit Tokë, dhe ne do të bombardohemi me këtë informacion të pavërtetë, për një pushtim”.
Ai vijonte më tej duke folur sesi “askush nuk do të besonte se do të ndodhte” pandemia Covid, teksa përsëriste idetë e tij se në fakt e gjitha ishte një “vrasje masive”.
Ai shtonte: “Këto janë mendime të kthjellëta. Po të flasim në mënyrë globale, asnjë nga besimet zyrtare të botës nuk duan të flasin apo të diskutojnë për këtë”.
Buttar raportohet se jetonte me gruan e tij Debbie, një shkrimtare librash për fëmijë. Ata kanë tre fëmijë, bijën Sara, dhe djemtë Rahan e Abre, për të cilët nuk ka shumë detaje.
Rrjeti i njohur për ‘dezinformacion’ Next News Network publikonte shpesh video të Buttar gjatë kohës së sëmundjes në 2020.
Aty Rashid Buttar promovonte teorinë e tij se COVID-19 ishte krijuar nga drejtori i agjencisë epidemiologjike NIAID, Anthony Fauci.
Ai bënte gjithashtu të tjera pretendimet të rreme, duke përfshirë ato se COVID-19 shkaktohej nga “gjurmët kimike” të avionëve dhe nga rrjeti celular 5G.
Shumë nga videot e tij në YouTube fshiheshin pasi thyenin rregullat e komunitetit të rrjetit YouTube (Community Guidelines).
Të tjera
-
Dyfishohen rastet e fruthit brenda një viti në mbarë botën
Numri i rasteve të fruthit në të gjithë botën pothuajse u dyfishua nga viti 2...
-
Shtëpia e poetit Ymer Elshani do të kthehet në muze
Deputetja nga radhët e Partisë Demokratike të Kosovës, Blerta Deliu-Kodra, ka...
-
Të shtëna me ármë te lokali “Hamari”në Prishtinë, Policia gjen disa gëzhoja në vendngjarje
Të shtëna me armë zjarri janë dëgjuar në orët e para të mëngjesit të sotëm te...
-
Ndriçimi smart në kryeqytet, LVV: Tenderi shkon në dëm të buxhetit të komunës
Kordinatori i Lëvizjes Vetëvendosje në Prishtinë, Arben Brovina, në një konfe...
-
Bie nataliteti në Kosovë, ASK dhe MPB me statistika të ndryshme për lindjet
Tkurret numri i shtimit të popullsisë në Kosovë vit pas viti. Në dekadat e fu...
-
Vetëvendosje në Prishtinë mban konferencë për media, ka disa akuza për Ramën
Arben Brovina, koordinator i nën komiteteve të lëvizjes Vetvendosje, qendra n...
-
Petkoviqi: Anëtarësimi i Kosovës në KiE operacion kundër Serbisë
Operacion kryesisht të drejtuar kundër Serbisë dhe popullit serb, e ka quajtu...
-
Sa ḁrmë pa leje kanë kosovarët?
Armët pa leje në duart e qytetarëve të Kosovës, paraqesin rrezik serioz, thon...
-
Arrestohet një i dyshuar për vra*je në tentativë në Ferizaj
Është arrestuar dje një person për vrasje në tentativë në Ferizaj që ka ndodh...
-
Shitet për një vlerë marramendëse, ora e njeriut më të pasur të Titanikut
Një orë xhepi prej ari, e gjetur në trupi e njeriut më të pasur në bordin e T...
-
Burri në Viti raporton se i është vjedhur kasaforta me para
Një burrë në Viti ka raportuar se persona të panjohur kanë vjedhur një kasafo...
-
U dërgua në gjendje të rëndë shëndetësore në QKUK, vdes shtetasja serbe
Të shtunën në Qendrën Klinike Universitare të Kosovës ka ndërruar jëtë një gr...