Lajme

Vaksina Johnson & Johnson kundër COVID-19 nuk ofrohet më në SHBA

Autori: Gazeta inFokus 08:05 | 17 May 2023

Vaksina e Johnson & Johnson kundër COVID-19 nuk është më e disponueshme në Shtetet e Bashkuara, sipas Qendrave të SHBA për Kontrollin dhe Parandalimin e Sëmundjeve (CDC).

I gjithë stoku i mbetur i vaksinës Johnson & Johnson skadoi më 7 maj, sipas një postimi në faqen e internetit të CDC.

Agjencia ka udhëzuar ofruesit që të asgjësojnë çdo stok të mbetur në përputhje me rregulloret lokale, shtetërore dhe federale.

-Advertisement-

Njerëzit e moshës 18 vjeç e lart që kanë marrë 1 ose 2 dozë të vaksinës Johnson & Johnson COVID-19 rekomandohet të marrin 1 dozë bivalente mRNA të Moderna ose Pfizer-BioNTech të paktën 2 muaj pas përfundimit të dozës së mëparshme, tha CDC.

Më shumë se 19 milionë doza të vaksinës Johnson & Johnson kundër COVID-19 u administruan në Shtetet e Bashkuara që nga 11 maji, sipas të dhënave më të fundit të CDC.

Subscribe në YouTube: GAZETA INFOKUSI