Lajme

Zelensky arrin në Itali, do të takohet me Papa Françeskun dhe liderët italianë

Autori: Gazeta inFokus 10:48 | 13 May 2023

Presidenti i Ukrainës, Volodymyr Zelensky ka arritur në Itali, ku do të zhvillojë takime me kryeministren italiane Giorgia Meloni dhe presidentin Sergio Mattarella.

“Një vizitë e rëndësishme për fitoren e Ukrainës”, postoi Zelenskyy në Telegram.

Ai pritet të takohet në Vatikan edhe me Papa Françeskun, shkruan Skynews.

-Advertisement-

Udhëtimi i parë i presidentit ukrainas në Itali që nga fillimi i luftës vjen pasi Papa zbuloi se ishte i përfshirë në një mision paqeje për t’i dhënë fund.

Për habinë e Kievit dhe Moskës, Papa bëri komentet në një udhëtim në Hungari më 30 prill, por nuk pranoi të ofrojë detaje të mëtejshme.

“Ka një mision tani, por nuk është ende publik. Të shohim se si… kur të jetë publik do të flas për të”, tha ai.

Papa shpresonte të ishte një ndërmjetës kur filloi konflikti, por më vonë filloi të dënonte me forcë veprimet e Rusisë.

Ndryshe, kryeministrja italiane Meloni u takua me Zelenskyn në Kiev, pak para përvjetorit të pushtimit të Rusisë më 24 shkurt 2022.

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme