Me 33.9 milionë euro humbje që po paraqitet si sukses i KEK-ut, Rukiqi ka thënë se qeveria e Kosovës po i interpreton shifrat sipas dëshirës së saj për tu mjegulluar sytë qytetarëve të Kosovës.

“Ky pushtet ka një tendencë me manipulu me shifra, domethënë i interpreton shifrat sipas dëshirës së vet dhe me këtë tenton me ju mjegullu qytetarëve dhe të tjerëve situatën reale në çdo pjesë të qeverisjes edhe në këtë pjesë që lidhet me KEK-un dhe me sektorin e energjisë”, ka thënë Rukiqi, i cili kohë më parë ka aderuar në LDK.

Ai për Gazetën Infokus ka komentuar edhe krahasimin e bërë ndër vite për raportet e përformances së KEK-ut ku dështimet janë në prodhim, eksport – shitje, në investimet kapitale, e shumë të tjera, duke thënë se dy vitet e fundit janë më të dobëtat në historinë e kësaj korporate.

“Realisht nëse shihen këto raporte krahasimore pra nëse krahasohet viti në vit, viti 2022 dhe viti 2021 kanë qenë vitet më të dobëta të KEK-ut në 5 vjeçarin e fundit si për nga ana prodhimit, si për nga ana e investimeve kapitale, si për nga ana e eksportit, pra po e krahasoj p.sh. një vit 2022 ku çmimi i energjisë elektrike për njësi ka qenë mesatarisht 250, dhe viteve të tjera që ka qenë më i ultë sigurisht për shkak që ka pasë një stabilitet në tregje dhe realisht këtë e paraqesin si sukses ndërsa nëse shikojmë sasinë totale të prodhume e shohim që kemi mungesë, i është shkaktu dëm KEK-ut, në këtë rast”, ka thënë Rukiqi.

Ai ka thënë se për dëmin e shkaktuar në KEK dikush duhet të japë përgjegjësi dhe jo të mbrohen.

“Dhe për këtë në vend që dikush të mbrohet duhet të japë përgjegjësi, vetëm për këtë pra për dëmin e shkaktuar në KEK pa marrë parasysh edhe elementet e tjera, duhet të ketë përgjegjësi. Tentojnë me shifra që të na paraqesin një realitet tjetër nga ai që ekziston mirëpo nëse ne e krahasojmë është sumë larg suksesit, që ka qenë vite më herët dhe realisht kjo tendencë ka me vazhdu sepse aty ka shumë dështime dhe këto dështime po mundohen me u mbulu me shifra të cilat nuk janë reale”, ka shtua, ish kryetari i Odës Ekonomike.

Ai ka komentuar edhe rënien e investimeve kapitale në KEK ku prej 60 milionë sa ishte në vitin 2018 ka rënë në 10 milionë në vitin 2022, gjë që sipas tij ka shkaktuar edhe rënien e vazhdueshme të blloqeve.

“Po prandaj edhe kur e sheh pastaj profitin e sheh që vjen si rezultat i mos shpenzimeve të asaj çfarë është e domosdoshme, 10 milionë investime ne KEK brenda vitit është shumë pak për me e majt çfarëdo stabiliteti të furnizimit me energji elektrike dhe kjo po na reflektohet pastaj edhe në mungesë të prodhimit dhe me këto rëniet e dështimet e blloqeve”, përfundon Rukiqi.

Gazeta Infokus në një hulumtim bazuar në raportet qysh nga viti 2019 deri në 2022 ka krahasuar arritjet, humbjet dhe përformancën e Korporatës Energjetike të Kosovës.

Ekskluzive: Ky është raporti i përformancës së KEK-ut që dëshmon mashtrimin dhe dështimin e Albin Kurtit, Besnik Bislimit e Nagip Krasniqit