Nxënësit, prindërit dhe drejtues të shkollave, kërkojnë të rikthehen shujtat
Autori: Gazeta inFokus 14:32 | 30 April 2023
Nxënësit dhe prindërit e tyre, si dhe drejtues të shkollave, po kërkojnë që shujtat të rikthehen për nxënësit e Komunës se Prishtinës, duke vlerësuar se ushqimi që marrin ata, është i sigurt, por edhe krijon barazi te nxënësit.
Drejtues të Komunës se Prishtinës, kanë bërë të ditur se janë në proces të përgatitjes së draft/planit për shujtat e nxënësve.
Dhënia e shujtave për nxënësit e shkollave fillore në Komunën e Prishtinës, nga prindërit po vlerësohet si një ndihmesë për familjet që kanë fëmijët e tyre në shkollë. Salie Osmankaq, nga Këshilli i Prindërve, i tha Radio Kosovës se sigurimi i shujtave për nxënësit është shumë i nevojshëm pasi krijon siguri për ushqimin që marrin, si dhe krijon barazi te të gjithë nxënësit.
“ Është shumë e rëndësishme që komuna ta këtë parasysh rikthimin e shujtave për nxënësit se paku për nxënësit e klasave të para deri të pestën. Kjo do të siguronte që fëmijët se pari të ndiheshin mirë dhe të ndiheshin të sigurt në kuptimin se marrin ushqim të kontrolluar. Dhe tjetra është shumë e rëndësishëm sepse krijohet ndjesia e barazisë. Përmes një veprimi që ne e kemi parë që komuna mund të arrijë ta bëj”,ka thënë Osmankaq.
Të rëndësishme e shumë të nevojshme këtë gjë po e sheh edhe drejtoresha e Shkollës fillore “ Ismail Qemaili” në Prishtinë, Mimoza Krasniqi. Ajo i tha Radio Kosovës se përvoja e më hershme kur komuna ka siguruar shujtat për nxënësit ishte pozitive, pasi që ka siguruar edhe barazi te nxënësit.
” Sipas përvojave që kemi pasur më herët, shpërndarja e shujtave ka qenë një gjë shumë pozitive. Shpërndarja e shujtave ndikon pozitivisht te nxënësit për shumë arsye. Ajo që është kryesore është që ushqimi që vjen te fëmijët është për të gjithë i njëjtë dhe kjo gjë është pozitive pasi disa fëmijë nuk kanë mundësi të marrin ushqime të llojllojshme dhe shpërndarja e shujtave mundëson të këtë barazi në mes të nxënësve”, ka thënë Krasniqi.
Rreth kësaj çështjeje, Radio Kosova ka pyetur përgjegjësit në Komunën e Prishtinës, se a pritet dhe kur do të fillohet më shpërndarjen e shujtave për nxënës. Drejtoresha e Arsimit, në komunën e Prishtinës , Besianë Musmurati në një përgjigje me shkrim i tha Radio Kosovës se janë në proces të përgatitjes së planit për shujtat e nxënësve.
“Aktualisht, jemi në proces të përgatitjes së draft/planit për shujtat e nxënësve. Për detaje të tjera ju njoftojmë në momentin që përfundon procesi,.” , thuhet në përgjigje.
Edhe psikologët, shpërndarjen e shujtave po e vlerësojnë shumë pozitive, pasi marrja e ushqimit i ndihmon fëmijët të koncentrohen në mësim, ndërsa rëndësi e veçantë është se ushqimi është i kontrolluar dhe eliminon pabarazitë në mes të nxënësve.
Aktualisht në Kosovë, disa komuna vazhdojnë të shpërndajnë shujta ushqimore për nxënësit nga klasa e parë deri në të 5-ën.
Të tjera
-
Ivica Daçiq thotë se i arrestuari në Merdare është Tefik Mustafa, reagon Zyra Ndërlidhëse e Kosovës
Në Serbi është arrestuar një kosovar nën dyshimin për “krime lufte”. Për këtë...
-
Gërvalla për mediumin kanadez: Serbia nuk duhet të ketë vend në NATO dhe BE
Ministrja e Punëve të Jashtme, Donika Gërvalla është shprehur se nuk duhet të...
-
Serbia thotë se e ka arrestuar një kosovar në Merdare
Autoritetet serbe njoftuan të shtunën se e kanë arrestuar një kosovar në pikë...
-
Lutfi Haziri me mesazh për shqiptarët e Kosovës Lindore: Dilni në mënyrë massive në zgjedhje
Nënkryetari i Lidhjes Demokratike të Kosovës, Lutfi Haziri ka bërë thirrje q...
-
Kontingjenti i FSK-së arrin sukses në ushtrimin më gjithëpërfshirës të Turqisë, “EFES 2024”
Ushtrimi ushtarak “EFES 2024”, i mbajtur në Izmir të Turqisë ka përfunduar dj...
-
Dy të lënduar në një aksident në Shipol të Mitrovicës
Një aksident mes dy veturave ka ndodhur në rrugën “Dëshmorët e Kombit” në la...
-
Spitali i Pejës del me njoftim: U sulmuἀm tmerrshëm, zjἀrrin e vuri një person i maskuar, i kemi pamjet
Spitali i Pejës ka dal me një njoftim të rëndësishëm për zjarrin që ka kaplua...
-
Real Madrid fiton për të 15-ën herë Ligën e Kampionëve
Real Madrid ka fituar për të 15-tën herë trofeun e Ligës së Kampionëve. Në...
-
Kurti viziton qendrën e kulturës “Sami Frashëri” në Ankara të Turqisë
Kryeministri i Republikës Kosovës, Albin Kurti dhe zëvendëskryeministrja, Emi...
-
Zhvillohet simpoziumi “Kina dhe bota: Bashkëpunimi, sfidat dhe përfitimet e përbashkëta
Në Pekin u zhvillua simpoziumi "Kina dhe bota: Bashkëpunimi, sfidat dhe përfi...
-
Kina nxjerr masa për të mbështetur rolin rehabilitues të mjekësisë tradicionale kineze
Kina ka publikuar masa për të mbështetur rolin e mjekësisë tradicionale kinez...
-
Aksident mes tre veturave në rrugën Prishtinë-Pejë, katër persona të lënduar
Një aksident i rëndë trafike ka ndodhur pasditen e sotme në rrugën Prishtinë-...