Lajme

Deputetët e pushtetit po e bojkotojnë Parlamentin, thotë IKD-ja

Autori: Gazeta inFokus 12:21 | 28 April 2023

Drejtori i Institutit të Kosovës për Drejtësi, Ehat Miftaraj, ka thënë se draft-raporti i titulluar “DOBËT: Raport i monitorimit të punës së Kuvendit të Kosovës për vitin 2022”, pasqyron saktë gjendjen në Kuvendin e Kosovës.

“Kuvendi nuk do të duhej të fillonte punën pa programin për vitin 2022”, ka thënë Miftaraj.

Sipas tij, mungesa e kuorumit është pasojë e mungesës së vullnetit politik të deputetëve për të marrë pjesë në seancat e Kuvendit të Kosovës, raporton “Betimiperdrejtesi”.

-Advertisement-

Miftaraj ka thënë se deputetët e pushtetit po e bojkotojnë Parlamentin.

Drejtori ekzekutiv i IKD-së ka kërkuar të bëhet transmetimi i mbledhjeve dhe i seancave në mënyrë që qytetarët të kenë qasje të drejtpërdrejtë në punën e Parlamentit.

Ai ka thënë se edhe mungesa e pajisjeve është mungesë e transparencës, pasi qytetarët nuk e dinë se kush qysh ka votuar në seancë të Parlamentit.

“Është sukses miratimi i Rregullores së Kuvendit, mirëpo ne shohim se kjo rregullore ka probleme. Kryetari e përmendi me shumë të drejtë privilegjet, përgjegjësit, të drejtat e deputetit. Në këtë rregullore keni dështu t’i përcaktoni sanksionet kur deputeti mungon në seancën e Kuvendit”, ka thënë ai.

Miftaraj ka kërkuar të forcohet administrata e Kuvendit të Kosovës në profesionalizimin e saj.

Drejtori ekzekutiv i IKD-së ka kërkuar nga deputetët dhe grupet parlamentare që t’i japin komentet e tyre për draft raportin “DOBËT: Raportin e punës së Kuvendit të Kosovës për vitin 2022”.

Ai ka thënë se nëse komentet do të jenë bindëse, do t’i përfshijnë në raportin final që do të publikohet.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme