Lajme

Kica-Xhelili: Kushtetuesja ka ndryshuar praktikën e saj që nga rasti i deputetes Duda Balje

Autori: Gazeta inFokus 20:00 | 20 April 2023

Deputetja nga radhët e Lidhjes Demokratike të Kosovës, Doarsa Kica-Xhelili ka reaguar pas vendimit të Gjykatës Kushtetuese për mosrrëzimin e presidentes Vjosa Osmani.

Ajo tha se i është kërkuar të komnetojë vendimin e Kushtetueses mirëpo siç tha ajo komentimi i rasteve gjyqësore nuk është i lejuar.

Sikurse kam sqaruar më parë, as qeveria dhe as kuvendi nuk lejohen të komentojnë qëndrimin e tyre lidhur me përmbajtjen e proceseve gjyqësore – aq më pak kur janë palë me interes.”, ka shkruar deputetja e LDK-së.

-Advertisement-

Megjithatë ajo konstatoi se ka kuptuar se Gjykata ka ndryshuar praktikën e saj që nga rasti me Duda Baljen.

Tutje ajo ofroi edhe disa pika të tjera të cilat i ka kuptuar nga vendimi për presidenten Osmani.

“1. Gjykata ka ndryshuar praktikën e saj që nga rasti i deputetes Duda Balje;
2. Vendimi ndjek praktikën e GJEDNJ-së, ku shkurtimisht konstatohet se garanca që kandidatë nga pakica të zgjedhen vetëm nëse janë votuar nga po ato pakica mund ta cënojë të drejtën e po atyre pakicave që të votojnë për këdo që duan;
3. Kufizimi i tillë mund të bëhet kur kjo përcaktohet shprehimisht me ligj, dhe vetëm në frymë me Kushtetutën;
4. Ky vendim, duke ndryshuar praktikën e mëparme, nuk i humb mandatet e deputetëve nga minoritetet mbi bazën e asaj se kush i ka votuar;
5. Vendimi nuk ka efekt prapaveprues dhe nuk ka ndikim në palët e treta”, ka thënë Kica Xhelili.

Sot, Gjykata Kushtetuese mori vendimin për ankesën e deputetit Veton Berisha, ku ka konstatuar se “Vota në Republikën e Kosovës është personale, e barabartë, e lirë dhe e fshehtë. Vota nuk mund të anulohet/shpallet e pavlefshme bazuar në përkatësi etnike të votuesit”.
Ndërsa kërkesën e deputetit Albert Kinolli, Kushtetuesja e ka vlerësuar si të papranueshme./Reporteri.net/

Postimi i plotë:

LAJMI I FUNDIT: Përfundon bastisja në KEK, shoqërohen në polici, Nagip Krasniqi dhe Rizah Dembogaj

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme