Lajme

Hill: Formimi i Asociacionit është elementi kyç, s’do të dorëzohemi derisa të ndodhë

Autori: Gazeta inFokus 14:53 | 18 Prill 2023

Ambasadori amerikan në Serbi, Christopher Hill tha sot në Beograd, në prag të dhjetëvjetorit të nënshkrimit të Marrëveshjes së Brukselit, se është koha e fundit që të formohet Asociacioni i komunave me shumicë serbe.

“Këtë javë bëhen 10 vjet nga Marrëveshja e Brukselit dhe është koha që të formohet Asociacioni i komunave me shumicë serbe. Ajo që mund t’ju siguroj është se ne nuk do të dorëzohemi, derisa të arrihet”, tha Hill para gazetarëve në Serbi.

Edhe Ambasadori i Gjermanisë në Kosovë, Jorn Rohde ka deklaruar sot se Kosova dhe Serbia duhet të arrijnë përparim dhe të shmanget çdo tension. Derisa është pyetur në lidhje me deklarimet e liderëve të Serbisë, ai ka thënë se presin zbatim të plotë të marrëveshjes së arritur në Bruksel dhe aneksit të dakorduar në Ohër.

-Advertisement-

Lidhur me zgjedhjet që do të mbahen të dielën në veri të vendit, diplomati gjerman ka deklaruar se të dy palët duhet të arrijnë përparim për qytetarët e të dyja vendeve.

“Ne kemi bërë një deklaratë për këtë dhe nevoja e kohës përveç zbatimit është edhe shmangia e çdo tensioni për ndonjë temë tjetër. Ajo që na nevojitet është që të dy palët tani duhet së bashku në mënyrë konstruktive të arrijnë përparim që është i rëndësishëm për qytetarët e të dy vendeve”, ka deklaruar ai.

Ai nuk ka dashur të komentojë deklarimet e liderëve në Beograd, veçse ka theksuar se presin zbatim të marrëveshjeve të arritura në Bruksel dhe Ohër.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy