Lajme

Anëtari i Bordit të RTK’së pëlqen postimin ku bëhet thirrje për arrestimin e Valon Sylës

Autori: Gazeta inFokus 10:27 | 15 April 2023

Anëtari i Bordit të RTK’së, Biroll Urcan, e ka pëlqyer një postim  në rrjetin social Facebook, ku bëhet thirrje për arrestimin e gazetarit Valon Syla.

Në këtë postim bëhet thirrje që Syla “të dënohet për nxitje të urrejtjes fetare dhe mosdurimit”.

“Çmenduri e prokurorisë dhe gjykatës. Në vend se Valon Syla të dënohet  për nxitje të urrejtjes fetare dhe mosdurimit e sulmuesit e tij të dënohen për sulm fizik, gjykata paska lënë të lirë Valonin ndërsa sulmuesit e tij qenkan dënuar për “nxitje të urrejtjes dhe mosdurimit”. O prokuror idiot, e gjykatës idiot, urrejtjen dhe mosdurimin e ka nxitur Valon Syla, kurse sulmuesit nuk e kanë  nxitur por e kanë shprehur mosdurimin në mënyrë të palejueshme  ndaj urrejtjes që ka nxitur pikërisht viktima e tyre. Këtu të dy palët duhet të jenë në burg. E me qenë krejt puna paq, prokurorit e gjykatësit ish dashtë me iu marrë diploma”, është postimi i Nexhmedin Spahiut, që e ka pëlqyer anëtari i Bordit të RTK’së.

-Advertisement-

Gazetari Valon Syla rreth mesnatës u sulmua nga disa persona në lagjen Bregu i Diellit në Prishtinë, shkruan Express.

Ai pësoi lëndime në kokë dhe pas trajtimit mjekësor, nga QKUK-ja tha se sulmuesit ishin “tre islamikë fanatikë”.

Syla paraprakisht ishte në emisionin Pressing në T7, ku është analist. Temë diskutimi ishte debati që ka shkaktuar nisja e gjykimit të ish-krerëve të UÇK-së në Gjykatën Speciale Hagë..

Sulmin e dënoi edhe Asociacioni i Gazetarëve të Kosovës, por edhe organizata më e madhe e gazetarëve në Europë.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme