Kurti: Kemi nevojë për një vaksinë kundër viruseve të lajmeve të rreme
Autori: Gazeta inFokus 19:00 | 30 March 2023
Kryeministri Albin Kurti, në konferencën për shënimin e Ditës Ndërkombëtare të Verifikimi të Fakteve, tha se me zhvillimin e teknologjisë, mundësia për shpërndarje të lajmeve të rreme u rrit.
Në fjalën e tij para të pranishmëve, Kurti tha se hapësira mediale ka nevojë për një vaksinë për të luftuar virusin e lajmeve të rreme.
“Që nga shekulli i 19-të, kur gazetat ditore u masivizuan nëpër Evropë, lajmet e rreme kanë qenë sfidë për publikun. Por ishte masivizimi i mediave që pashmangshëm i masivizoi edhe lajmet e rreme përballë të së cilave teknikat e verifikimit pritet të jenë një vaksinim nga viruset e lajmeve të rreme, ashtu siç lajmet e rreme për vaksina dhe virusin Corona, që patën vërshuar botën në tre vitet e fundit e ku edhe popullsia jonë ishte viktimë. Por, për të prodhuar vaksinën kundër viruseve të lajmeve të rreme, ka nevojë për të kaluar nëpër një sociologji të televizionit dhe një antropologji të mediave përmes së cilave do të mund të kuptonim fenomenet sociale dhe veçantitë kulturore përmes së cilave qarkullojnë lajmet e rreme”, u shpreh kryeministri Albin Kurti, raporton Klankosova.tv.
Kryeministri tha se nëse në të kaluarën ekzistonte rreziku që informacioni të kontrollohej dhe lajmet të censuroheshin nga pushtetet politike, “sot kur mediat janë shumë më shumë në numër ekziston rreziku i prodhimit më të madh dhe shpërndarjes më të lehtë të lajmeve të rreme”.
Ai tha se në universin e pafund të hapësirës kibernetike, “ku secili prej nesh noton si kibernaut nëpër platforma e rrjete sociale online si Youtube, Facebook, Instagram e Twitter, duke kaluar nëpër miliona e miliona informacionesh, qartazi është e vështirë të orientohesh”.
“Sofistikimi i prodhimit dhe i plasimit të lajmeve të rreme në publik ka bërë që vijat që përcaktojnë kufijtë mes lajmeve të rreme dhe atyre të vërteta, të kenë nevojë për një sy të stërvitur dhe mendje të mprehtë për t’i dalluar. Andaj, sot, kur të gjithë ne jemi rregullisht të ekspozuar ndaj lajmeve të rreme, jam i gëzuar që në Kosovë po organizohen edhe ditë të këtilla për të shënuar ditën ndërkombëtare të verifikimit të fakteve, e fiksuar në datën 2 prill. Sepse me sa duket, në kohën tonë ajo shprehja e vjetër gjermane, ‘beso dhe verifiko’ ka nevojë për një verifikim po ashtu nga ‘beso dhe verifiko’ në ‘verifiko dhe beso’”, potencoi kryeministri.
Ndër të tjera, ai tha se liria e mediave në Kosovë është shembull në rajon dhe më gjerë.
“Duke u nisur nga liria që gëzojnë mediat në Kosovë, mjafton të shohim gazetarinë në fqinjësinë tonë të afërt për të kuptuar se për çfarë e kam fjalën. Dikur nga vitet e Luftës së Dytë Botërore e deri te lufta e Kosovës, qeveritë e vendeve diktatoriale kiushin edhe ministri të Propagandës, kurse sot mbetjet e tyre mohojnë krimet e luftës dhe tolerojnë shpërndarjen e lajmeve të rreme për luftën në Ukrainë”, tha kryeministri, duke iu referuar këtu Serbisë, por pa e përmendur emrin e saj.
Të tjera
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...