Fokus

Kur pritet të përfundojnë tri shkollat e reja që do të ndërtohen në kryeqytet, flasin nga komuna

Autori: Samire Jaha 12:04 | 07 Dhjetor 2022

Të hënën i pari i Prishtinës, Përparim Rama, ka nënshkruar kontratën për ndërtimin e tri shkollave të reja në kryeqytet, shkruan Gazeta Infokus.

Këto tri shkolla pritet që të përfundojnë në shtator të vitit 2024. E ky projekt do t’i kushtojë komunës së Prishtinës, mbi 13 milionë euro.

Këtë për Gazetën Infokus e ka konfirmuar nënkryetari i kësaj komune, Alban Zogaj.

-Advertisement-

Ai ka thënë se këto shkolla do të jenë të nivelit fillor dhe të mesëm të ulët.

“Shuma totale për ndërtimin e 3 shkollave do të jetë mbi 13 milionë euro. Dinamika e punëve është 24 muaj, por insistimi ynë është që hapja e tyre të bëhet në Shtator 2024”, është përgjigjur për Infokus nënkryetari i kryeqytetit.

Ndryshe lokacionet e sakta ku do të bëhet ndërtimi i këtyre tri shkollave janë, Sofali, Mati 1, Lagja Qendresa (Veternik).

I pyetur nga Gazeta Infokus se a dihet ende për emrat që do t’u vihen këtyre tri institucioneve të reja arsimore, Zogaj thotë se ende nuk janë vendosur emrat final.

“Për emrat do të vendoset ndërkohë”, është përgjigjur shkurt për Infokus nënkryetari i Prishtinës.

Ndryshe në ditën e nënshkrimit të kontratave, i pari i kryeqytetit ka falënderuar ekipin e Departamentit të Partneritetit Publiko-Privat për bashkëpunim.

“Sot, nënshkruam kontratën për ndërtimin dhe mirëmbajtjen e tri shkollave të reja në Prishtinë. Faleminderit ekipit të Departamentit të Partneritetit Publiko-Privat (PPP) për bashkëpunimin e shkëlqyeshëm”, ka shkruar Rama në një postim të tij në Facebook./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy