Kupa e Botës 2022

Kupa e Botës 2022/ Ndalohet shitja e birrës në stadiumet e Kupës së Botës në Katar

Autori: Gazeta inFokus 13:16 | 18 November 2022

Alkooli nuk do të shitet në tetë stadiumet e Kupës së Botës në Katar pasi FIFA ndryshoi politikën e saj dy ditë para fillimit të turneut.

Alkooli ishte vendosur të shërbehej në zona të caktuara brenda stadiumeve, pavarësisht se shitja e tij kontrollohej rreptësisht në vendin mysliman, duke mos lejuar shitjen e birrave brenda dhe afër perimetrit të stadiumeve.

“Pas diskutimeve ndërmjet autoriteteve të vendit pritës dhe FIFA-s, është marrë një vendim për fokusin e shitjeve të pijeve alkoolike në festivalin e tifozëve të FIFA-s, destinacionve të tjera të tifozëve dhe vende të licencuara, duke hequr pikat e shitjes së birrës nga perimetri i stadiumit të Katarit të Kupës së Botës 2022”, thuhet në deklaratën e organit drejtues të futbollit botëror.

-Advertisement-

Ata në zonat e koorporatave të stadiumeve në turne do të jenë ende në gjendje të blejnë alkool.

“Autoritetet e vendit pritës dhe FIFA do të vazhdojnë të sigurojnë që stadiumet dhe zonat përreth të ofrojnë një përvojë të këndshme, të respektueshme dhe të këndshme për të gjithë tifozët” thuhet po ashtu në deklaratë.

Kupa e Botës fillon të dielën kur Katari do të luajë kundër Ekuadorit.