Kupa e Botës 2022

Familja mbretërore e Katarit i kërkon FIFA-s kushtin e rëndësishëm

Autori: Gazeta inFokus 10:26 | 18 November 2022

Familja mbretërore e Katarit po i bën presion FIFA-s për ndalimin e plotë të shitjes së alkoolit në të gjitha stadiumet e Kupës së Botës, vetëm dy ditë para fillimit të turneut.

Vendi pritës, ku shitja e alkoolit zakonisht është e kufizuar për të huajt të cilët pinë në hotele dhe restorante të licencuara, apo banorët jomuslimanë me leje speciale në shtëpitë e tyre, kanë ushtruar presion të konsiderueshëm mbi FIFA-n që të ndalojë shitjen e birrës në tetë stadiumet e Kupës së Botës.

Kjo do të thotë që Budweiser, një nga sponsorët më të mëdhenj të turneut, nuk do të jetë në gjendje t’ua shesë birrën tifozëve gjatë ndeshjeve dhe mund ta bëjë FIFA-n të shkelë një kontrate shumë milionëshe me kompaninë.

-Advertisement-

The Times shkruan se ndalimi i shitjeve të Budweiser tashmë është ‘e mundur’ pas ndërhyrjes së familjes mbretërore të Katarit. Ndërhyrja ishte bërë nga Sheikh Jassim bin Hamad bin Khalifa al-Thani, vëllai i sundimtarit të Katarit.

Siç qëndrojnë gjërat, vizitorët e Kupës së Botës mund të blejnë alkool në hotele dhe restorante, në zona të tifozëve në kohë të caktuara dhe në stadiume por jo brenda.

Birra do të kushtojë pothuajse 12 £ në vendet zyrtare dhe fansat do të kufizohen në katër pije me synimin për t’i ndaluar ata të dehen. Kushdo që dehet mund të çohet në një zonë speciale për t’u kthjelluar.