Bislimi: Kosova e Serbia janë shumë më larg njëra-tjetrës, sesa kur filloi dialogu
Autori: Gazeta inFokus 16:54 | 08 October 2022
Zëvendëskryeministri i parë për integrim evropian, zhvillim dhe dialog, Besnik Bislimi, deklaroi se Kosova dhe Serbia janë shumë më larg njëra-tjetrës, sesa ishin në vitin 2011 kur ka filluar procesi i dialogut. Sipas Bislimit ka disa arsye që dialogu nuk ka pasur rezultatet e dëshiruara.
Bislimi, në Seminarin e 102-të Rose-Roth i Asamblesë Parlamentare të NATO-s, me temën “Integrimi euro-atlantik i Ballkanit Perëndimor: sfidat e zgjatura, realitetet e reja dhe perspektivat e ardhshme” që pombahet në Prishtinë, u shpreh se në vitin 2011 Serbia nuk kishte pretendime për ndryshim kufijsh e as baza ushtarake në kufi me Kosovën.
“Sipas meje në vitin 2022 Kosova dhe Serbia nuk janë më afër sesa që ishin në vitin 2011 por janë shumë më larg njëra-tjetrës nga koha kur filloi dialogu. Në vitin 2011 Serbia kurrë nuk do të ngriste tema në lidhje me kufijtë kurse tani nevojitej vetëm një vendim për të zbatuar marrëveshjen kur Serbia e ngriti çështjen e kufijve. Në vitin 2011 Serbia nuk i kishte 48 baza policore përgjatë kufirit me Kosovën, sot i kanë ato, dhe janë vetëm një kilometër larg kufirit me Kosovën”, tha Bislimi.
Zëvendëskryeministri i Kosovës u shpreh se edhe palët në Bashkimin Evropian më shumë janë angazhuar për të nënshkruar marrëveshje sesa për ta zbatuar atë.
“Të gjitha përpjekjet e palëve në BE kanë qenë deri te nënshkrimi i marrëveshjes, sepse nënshkrimi bëhej lajm, mund të dilnit para mediave dhe mund të pretendonit mirënjohje duke thënë se ‘falë vizionit tim dhe angazhimit tim arritëm marrëveshje’, por pas saj askush nuk ishte i interesuar se çfarë po ndodhë në terren”, vijoi Bislimi.
Bislimi tha se Serbia po fshihet prapa pesëshes së Bashkimit Evropian që nuk ka njohur pavarësinë e Kosovës ndërsa për këto shtete tha se e kanë lidhur njohjen me procesin e dialogut.
“Serbia duket sikur nuk ka interes për t’u marrë me seriozisht me dialogun dhe kryesisht ata merren me problematikën energjetike dhe rreshtimin krahas Rusisë… Deri më tani shohim një mungesë vullneti te pala serbe që të angazhohet në mënyrë konstruktive qoftë për normalizimin të plotë apo për zgjidhjen e ndonjë prej problemeve ekzistuese për sa i përket zbatimit të marrëveshjeve të kaluara”, tha Bislimi.
Në lidhje me liberalizimin e vizave, Bislimi u shpreh se Franca ka qenë një ndër vendet skeptike por është punuar me të për të adresuar të gjitha shqetësimet.
Sipas tij, të gjitha vendet anëtare të Bashkimi Evropian janë në një mendje për liberalizim të vizave që sipas tij pritet të ndodhë shumë shpejtë.
“Pajtohem që Franca kishte disa hezitime për sa i përket liberalizimit të vizave për Kosovën, jo domosdo për shkak të numrit të madh të azilkërkuesve në Francë, por për shkak të proporcionit të madh të azilkërkuesve kosovarë që kanë zgjedhur Francën si destinacion pasi në total numri i azilkërkueseve nga Kosovë ishte më i vogli në Evropë për kokë banori… Jemi përpjekur të adresojmë çdo çështje të hapur të cilat mund t’i kenë pasur ligjvënësit e politikëbërësit në Francë… Mirëpo prej 23 qershorit kemi një mbështetje dhe konfirmim të madh të mbështetjes së madhe të Francës për liberalizim të vizave dhe pas tyre edhe vendet e tjera janë rreshtuar prapa këtij qëndrimi dhe raportet e fundit flasin se të gjitha vendet janë në një mendje për liberalizimin e vizave për Kosovën gjë që presim të ndodhë shumë shpejtë”, tha Bislimi.
Bislimi foli edhe për angazhimet e shtetit të Kosovës në integrimet evropiane dhe reformat që po ndërmerr.
Të tjera
-
Alban Hyseni i jep tenderin për renovimin e stadiumit të Gjilanit ofertuesit më të shtrenjtë
Komuna e Gjilanit në krye me Alban Hysenin me 31 maj i ka dhënë tenderin pë...
-
Deputetë të Parlamentit Evropian letër Serbisë për të drejtat e shqiptarëve, Kamberi ia jep meritat Kurtit për lobim
Deputeti shqiptar në Kuvendin e Serbisë, Shaip Kamberi, ka publikuar të premt...
-
Pikëlluese| Sami Lushtaku jep lajmin e hidhur, ka të bëjë me ish-luftëtarin e shquar të UÇK-së
Ish-ushtari i Ushtrisë Çlirimtare të Kosovës, Sami Lushtaku sot ka njoftuar p...
-
I dënuari kapet duke vjedhur në një market në Prishtinë, dërgohet në burg – zbulohet emri i tij
Të dyshuarit që përfshihen në veprimtari të kundërligjshme dhe të dënuarit ng...
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...
-
Hamiti: LDK i fiton zgjedhjet e ardhshme
Anëtari i Kryesisë së LDK-së, Muhamet Hamiti, është shprehur optimist për rez...
-
Kritikat e Kurtit ndaj PSRK-së “ndërhyrje në drejtësi dhe shpikje për larguar vëmendjen nga dështimet”
Shoqëria civile dhe partitë opozitare po e konsiderojnë ndërhyrje në punën e ...
-
Dy veturave me targa serbe në Mitrovicë të Veriut iu vihet flaka
Zëvëndësdrejtori i Policisë së Kosovës për rajonin e Veriut, Veton Elshani, k...
-
Bajrami: Vazhdon korrupsioni, vetëm dje KRPP ka publikuar 4 kontrata njëburimore në shumë 683 mijë euro
Deputetja nga radhët e Lidhjes Demokratike të Kosovës, Hykmete Bajrami, ka th...
-
Raketat “Javelin” pritet të arrijnë në Kosovë brenda pak kohe
Ministri i Mbrojtjes, Ejup Maqedonci, thotë se raketat amerikane “Javelin”, p...
-
100 litra shi për metër katror – Jugu i Gjermanisë i rrezikuar nga përmbytjet e shekullit
100 litra shi për metër katror- Frikë nga përmbytjet në jug të Gjermanisë ...
-
Osmani kishte takuar djalin e Afrim Bunjakut dhe disa fëmijë të tjerë për nder të 1 Qershorit
Presidentja Vjosa Osmani kishte takuar disa fëmijë, përfshirë edhe djalin e h...