Lajme

Kjo është data kur do të publikohet Raporti i Progresit për Kosovën

Autori: Gazeta inFokus 11:20 | 06 October 2022

Komisioni Evropian do të publikojë me 12 tetor Raportin e Progresit për Kosovën.

Lajmi është konfirmuar për Radio Kosovën, nga Zyra e Bashkimit Evropian në Kosovë.

Çdo vit Komisioni Evropian publikon Raportin e Progresit për vendet e Ballkanit Perëndimor dhe Turqinë dhe tregon për reformat që duhen bërë vendet që aspirojnë integrimin në Bashkimin Evropian.

-Advertisement-

Vitin a kaluar në Raportin e Progresit për Kosovën ishte kërkuar normalizimi i marrëdhënieve mes Kosovës e Serbisë. Në raport bëhej thirrje që Kosova të angazhohej në mënyrë më konstruktive në dialog dhe po ashtu të bëjë përpjekje për implementimin e gjitha marrëveshjeve të kaluara që janë nënshkruar.

Raporti i vitit 2021 kishte vlerësuar se Kosova kishte plotësuar të gjitha kriteret për liberalizim të vizave që në korrik të vitit 2018, kishte kërkuar nga Qeveria e Kosovës luftim kundër korrupsionit dhe krimit të organizuar, si dhe zhvillim ekonomik.

Çështja e liberalizimit të vizave për Kosovën (i vetmi vend nga të gjitha shtetet e Ballkanit Perëndimor që nuk ka liberalizim vizash) do të jetë në rend të ditës, në takimin e grupit punues të Këshillit Evropian që mbahet më 13 tetor 2022.

Paketa e zgjerimit, që përfshin edhe Raportin e Progresit, mbulon gjashtë vende të Ballkanit Perëndimor: Shqipërinë, Bosnje dhe Hercegovinën, Malin i Zi, Kosovën, Maqedoninë e Veriut, Serbinë si dhe Turqinë.

Serbia dhe Mali i Zi tashmë kanë nisur procesin e negociatave të pranimit. Me Malin e Zi, Bashkimi Evropian ka hapur të gjithë kapitujt në këtë proces.

Turqia ka filluar negociatat gjithashtu për anëtarësim në BE.

Shqipëria dhe Maqedonia e Veriut në korrik të këtij viti hapën zyrtarisht negociatat për anëtarësim në Bashkimin Evropian.

Kosova dhe Bosnje e Hercegovina ende nuk kanë statusin e kandidatëve për anëtarësim në BE.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme