Lajme

BE-ja shpreh keqardhje për vendimin e Serbisë për të anuluar EuroPride

Autori: Gazeta inFokus 10:33 | 29 August 2022

Bashkimi Evropian shprehur keqardhje për vendimin e Serbisë që të anulojë apo shtyjë mbajtjen e EuroPride, teksa tha se blloku evropian mbështet barazinë dhe kundërshton çdo formë të diskriminimit.

“EuroPride për vite me radhë ka avokuar për të drejta të barabarta për qytetarët LGBTIQ në mbarë Evropën, duke u dhënë zë atyre që shpesh janë të diskriminuar për shkak të orientimit të tyre seksual. Këto janë të drejta themelore për BE-në dhe ne presim që edhe partnerët tanë të ngushtë t’i respektojnë ato”, tha për Radion Evropa e Lirë zëdhënësja e bllokut evropian, Ana Pisonero.

BE-ja, tha ajo do të mirëpres sqarime shtesë nga autoritetet në Serbi, lidhur me vendimin e tyre që të anulojnë mbajtjen e EuroPride, që ishte paraparë të zhvillohej në shtator.

-Advertisement-

“Ne do ta përcjellim këtë situatë nga afër. Ne shpresojmë se do të gjendet një mënyrë që Europride të mbahet në ambient paqësor dhe të sigurt”, shtoi Pisonero.

Parada e Krenarisë në Beograd

Më 27 gusht, presidenti i Serbisë, Aleksandar Vuçiq, njoftoi se EuroPride – që përfshin Paradën e Krenarisë – i paraparë për në shtator, është anuluar ose shtyrë.

Ai tha se të drejtat e minoritetit janë nën kërcënim, por shtoi se shteti është në shtet nga të gjitha palët.

EuroPride është një ngjarje ndërkombëtare dedikuar pjesëtarëve të komunitetit LGBTIQ, që mbahet çdo vit në qytete të ndryshme. Këtë vit ishte paraparë të mbahej në Serbi në muajin shtator./REL

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme