Lajme

LVV-ja me kërkesë për Glauk Konjufcën që të rishikohet vendimi për shpenzimet e deputetëve

Autori: Gazeta inFokus 16:43 | 08 Shkurt 2022

Grupi parlamentar i Lëvizjes Vetëvendosje i ka bërë kërkesë kryetarit të Kuvendit të Kosovës, Glauk Konjufca, që të autorizojë Komisionin për Buxhet, Punë dhe Transfere për të rishikuar vendimin për kompensimin e shpenzimeve të deputetëve.

Shefja e këtij grupi parlamentar, Mimoza Kusari-Lila përmes një postimi në “Facebook”, ka njoftuar për procedimin e kësaj kërkese.

“Sot Grupi Parlamentar i Lëvizjes VETËVENDOSJE!, ka proceduar kërkesë zyrtare Kryetarit të Kuvendit të Republikës së Kosovës që të autorizohet Komisioni për Buxhet, Punë dhe Transfere për të rishikuar vendimin për caktimin e lartësisë së kompensimit të deputetit për funksion udhëheqës dhe kompensimin e shpenzimeve mujore”, ka shkruar Kusari-Lila.

-Advertisement-

Gjithashtu ajo ka theksuar se deputetët e LVV-së kanë hequr dorë nga kompensimi për shpenzimet e udhëtimit, për pjesëmarrje në punimet e seancës plenare dhe në komisione.

Deputetja ka njoftuar se janë të gatshëm të kontribuojnë në përmbajtjen e vendimit të ri për lartësinë e kompenzimit të deputetëve.

“Po ashtu, e ritheksojmë se deputetët e Lëvizjes VETËVENDOSJE!, heqin dorë vullnetarisht nga kompensimi për shpenzimet e udhëtimit, për pjesëmarrje në punimet e seancës plenare dhe në komisione, ndërsa shprehemi të gatshëm të kontribuojmë në përmbajtjen e vendimit të ri për lartësinë e kompenzimit të deputetëve duke ftuar të gjitha palët e interesuara të bëhen pjesë e diskutimit kur të fillojë puna në vendimin e ri”, ka deklaruar ajo./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy