Oda e Afarizmit të Kosovës, përmes një njoftimi dërguar mediave ka bërë të ditur se i ka dërguar një letër Kryeministrit Kurti dhe Ministrave të linjës, duke i kërkuar që të largojë orën policore pasi që ky vendim po është shumë i dëmshëm për bizneset.

Në këtë njoftim thuhet se Oda e Afarizmit gjithashtu kërkon nga Qeveria që me urgjencë të i përkrahë punëtorët dhe bizneset që u mbyllën apo u është kufizuar shfrytëzimi i hapësirës.

“Oda e Afarizmit të Kosovës vazhdimisht bënë thirrje tek komuniteti i biznesit që të respektohen masat e vendosura nga Institucionet e Republikës së Kosovës, mirëpo gjithashtu po kërkon nga Qeveria e Kosovës që çdo vendim për ndalim të ushtrimit të veprimtarisë apo përgjysmim i tij të përcjellët me përkrahje financiare”, thuhet në njoftimin e tyre.

-Advertisement-

Më poshtë gjeni njoftimin e plotë:/Gazeta Infokus/

Vendim tepër i dëmshëm për punëtorët dhe bizneset

Përmes një shkrese të përcjellur tek Kryeministri dhe Ministrat e linjës, Oda e Afarizmit të Kosovës (OAK) në emër të komunitetit të bizneseve që përfaqëson edhe një herë kërkoi nga Qeveria e Kosovës largimin e orës policore dhe kushtëzimin e vendosur për hyrje në Kosovë, me tre vaksina përmes Vendimit Nr. 01/55.

Sipas OAK-së obligimi për vaksinim me tri doza të vaksinës po ndikon që edhe më shumë të kufizohet lëvizja e qytetarëve si dhe qarkullimi i bizneseve.

Ndërsa, bazuar në pikën 14 të Vendimit Nr. 01/55 thuhet që “Kufizimi i qarkullimit të qytetarëve do të jetë nga ora 22:00 deri në ora 05:00”, përmes këtij vendimi vazhdon të kufizohet ushtrimi i veprimtarisë për sektore të veçanta.

Gjithashtu, OAK kërkon që me urgjencë të përkrahen punëtorët dhe bizneset që u mbyllën apo u është kufizuar shfrytëzimi i hapësirës në 30%, 50% apo 70%., pasi që si rezultat i këtij kufizimi janë dëmtuar qindra biznese dhe kanë mbetur pa punë mijëra punëtor.

Oda e Afarizmit të Kosovës vazhdimisht bënë thirrje tek komuniteti i biznesit që të respektohen masat e vendosura nga Institucionet e Republikës së Kosovës, mirëpo gjithashtu po kërkon nga Qeveria e Kosovës që çdo vendim për ndalim të ushtrimit të veprimtarisë apo përgjysmim i tij të përcjellet me përkrahje financiare.

Çdo qytetari të Republikës së Kosovës, përmes Kushtetutës së vendit, i sigurohet e drejta e ushtrimit të punës.

Duke marrë parasysh që aktualisht jemi në një situatë të jashtëzakonshme, më e pakta që mund të bëjë shteti për qytetarin që nuk e lejon të punoj është t’i ofroj përkrahje financiare.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-