Ish-ministri e akuzon zëvendësministrin: Po tenton të më persekutojë politikisht
Autori: Gazeta inFokus 18:47 | 21 November 2021
Selim Selimi e ka cilësuar tentim për persekutim politik ushtrimin e një kallëzimi penal kundër tij nga zëvendësministri aktual i Drejtësisë, Blerim Sallahu.
Kallëzimi penal kundër ish-ministrit të Drejtësisë në Qeverinë Hoti, i ushtruar shtatë muaj më parë nga Ministria e Drejtësisë mbi dyshimet për keqpërdorimin e pozitës zyrtare, është rrëzuar nga Prokuroria e Shtetit.
Prokuroria njoftoi sot se denoncimi ndaj Selimit, por edhe drejtorit të ShKK-së, Nehat Thaçi, u hodh poshtë në mungesë të provave.
Ndërkaq, ish-ministri Selimi tha sot se veprimet e zëvendësministrit Sallahu kundrejt tij, kanë një synim: persekutimin e kundërshtarëve politikë të Lëvizjes Vetëvendosje në pushtet.
“Konsideroj se ushtrimi i kallëzimit penal ndaj meje është një nga metodat e persekutimit politik që tenton të kryejë pushteti aktual ndaj kundërshtarëve të tij politikë”, tha ish-ministri Selimi në një deklaratë për Paparacin.
Ish-shefi i dikasterit të drejtësisë në Qeverinë e Kosovës, tha se “qeveria aktuale dhe njerëzit e saj që udhëheqin me Ministrinë e Drejtësisë, e kuptojnë drejtësinë vetëm nëse ajo është e kapur”.
Në një kohë kur tensionet mes Këshillit Prokurorial (KPK), Këshillit Gjyqësor (KGjK) dhe Ministrisë së Drejtësisë kanë arritur në kulm si pasojë e mospajtimeve rreth implementimit të vettingut në drejtësi, Selimi ka fajësuar qeverinë për situatën e krijuar.
“Me veprimet e tyre, ajo [qeveria] është duke shkatërruar dy institucionet më të rëndësishme të drejtësisë në vend, Këshillin Prokurorial dhe Këshillin Gjyqësor të Kosovës”, u shpreh Selimi të dielën.
Një nga dhjetëra kallëzimet penale që ka ushtruar zëvendësministri i Drejtisisë, Blerim Sallahu, që prej se u ngjit në pushtet si njeriu i dytë i MD-së, mori epilog final të dielën.
Prokurori special, Milot Krasniqi, njoftoi se kallëzimi penal i ushtruar ndaj ish-ministrit Selimi dhe drejtorit të ShKK-së, Nehat Thaçi, është i pabazuar.
“Po, e kemi trajtu rastin, arsyeja e hudhjes është se veprime e të dyshuarve nuk ka elemente të veprës penale për të cilat është ba kallëzimi penal e as për ndonjë vepër tjetër, e cila ndiqet sipas detyrës zyrtare”, tha të dielën prokurori Krasniqi për “Betimi për Drejtësi”.
Por, për çka e denoncoi Sallahu, Selimin dhe Thaçin?
Shtatë muaj më parë, zëvendësministri Sallahu njoftoi të ketë dorëzuar kallëzim penal në Prokurorinë Speciale ndaj ish-ministrit Selimi dhe drejtorit të ShKK-së, Nehat Thaçi, lidhur me pretendimet për nënshkrimin e një “kontrate kriminale”.
“Sot, njëanshëm kemi anuluar kontratën kriminale përmes së cilës persona të papërgjegjshëm kanë dhënë në shfrytëzim pronën e Ministrisë së Drejtësisë, personit juridiko privat pa asnjë bazë ligjore, gjithsej 2 hektarë e 12 ari e 17 metra katrorë”, njoftoi Sallahu në Facebook, më 26 prill të këtij viti.
Të tjera
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...