Instituti për Politika Zhvillimore në Kosovë (INDEP), ka  bërë 10 vite punë si një ndër organizatat më të mëdha në Kosovë.

INDEP përmes hulumtimit, punës avokuese, kampanjave vetëdijesuese e aktiviteteve të tjera është shndërruar në një nga organizatat më me ndikim në vend, organizatë, shkruan Gazeta Infokus.

Gjatë një dekade pune, INDEP ka zbatuar suksesshëm afër 50 projekte të mbështetura nga rreth 30 donatorë të ndryshëm, kanë lansuar 6 platforma si dhe kanë publikuar afër 200 publikime ku prej tyre janë 64 analiza dhe 40 hulumtime politikash.

-Advertisement-

“Puna e INDEP në dekadën e dytë do të intensifikohet edhe më. Duke qenë krenar, dhjetë vjetori i parë i INDEP e gjen Kosovën me Fondin e Efiçiencës së Energjisë, me qindra megavat të instaluara të energjisë së ripërtrishme dhe me një vetëdije të përgjithshme krejt tjetër nga ajo e vitit 2011”, shkruhet në njoftim.

Përmes këtij njoftimi në Facebook, INDEP ka falënderuar të gjithë donatorët, partnerët për kontributin dhe mbështetjen e deritanishme.

Më poshtë gjeni postimin e plotë të tyre:/Gazeta Infokus/

10 VITE PUNE TË INDEP

Instituti për Politika Zhvillimore (INDEP) nisi punën 10 vite më parë në këtë datë. Përmes hulumtimit, punës avokuese, kampanjave vetëdijësuese e shumë e shumë aktiviteteve të tjera, INDEP u shndërrua në një nga organizatat më me ndikim në vend.

Gjatë një dekade pune, INDEP ka zbatuar suksesshëm afro 50 projekte të mbështetura nga rreth 30 donatorë të ndryshëm, e kemi lansuar 6 platforma. Kemi publikuar afro 200 publikime, prej tyre 64 analiza dhe 40 hulumtime politikash. Me mbi 80 reagime dhe 107 tryeza dhe konferenca, ne u bëmë pikënisje e shumë debateve publike, zëri i interesit publik dhe promotori kryesor i zhvillimit të qëndrueshëm në Kosovë. Gjithashtu, jemi pjesë themeluese dhe partner në mbi 10 rrjetëzime rajonale dhe evropiane dhe nga trungu ynë ka dalë edhe organizata NewPerspektiva.

Puna e INDEP në dekadën e dytë do të intensifikohet edhe më. Duke qenë krenar, dhjetë vjetori i parë i INDEP e gjen Kosovën me Fondin e Efiçiencës së Energjisë, me qindra megavat të instaluara të energjisë së ripërtrishme dhe me një vetëdije të përgjithshme krejt tjetër nga ajo e vitit 2011. Kosova ka nënshkruar Deklaratën e Samitit të Sofjes dhe ka marrë përkushtimin për dekarbonizim të plotë deri në vitin 2050. Roli i INDEP në përshpejtimin e këtij tranzicioni do të jetë konstruktiv, monitorues dhe mbështetës.

Ju faleminderit të gjithëve për mbështetjen e deritanishme. Të gjithë donatorëve, partnerëve, aktivistëve, bashkëpunëtorëve vendor dhe ndërkombëtarë si dhe spektrit të vendimmarrjes që na dhanë hapësirë për kontribut.

Deri në dekadën e dytë, gëzuar!

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-