Ish-ambasadori Spahiu numëron tri arsyet pse Kosova nuk u ftua në Samitin e Demokracisë në SHBA
Autori: Gazeta inFokus 13:43 | 10 November 2021
Ish-ambasadori i Kosovës në Shtetet e Bashkuara të Amerikës dhe në Turqi, Avni Spahiu ka folur rreth mos ftesës së vendit tonë në Samitin e Demokracisë në SHBA, si dhe mungesën e ambasadorëve në vendet më të rëndësishme.
Ish-ambasadori i parë i Kosovës pas pavarësisë në Shtetet e Bashkuara të Amerikës ka treguar në këtë intervistë se pse Kosova është lënë jashtë Samitit të Demokracisë në SHBA.
Spahiu ka thënë se mos ftesa nga SHBA-të ka qenë një befasi jo e këndshme, duke shtuar se është për keqardhje se pse vendi ynë nuk është ftuar në Samitin e Demokracisë.
“Në fillim ishte befasi jo e këndshme, sepse SHBA jo vetëm që na kanë ftuar ndër të parët në organizime të tilla në të kaluarën, por kanë ndikuar edhe te shtetet tjera që kur nuk na kanë ftuar që të sigurojnë një ftesë për Kosovën. Është për keqardhje që nuk jemi ftuar, sepse siç duket raportet me SHBA-në fatkeqësisht janë në pikën më të ulët. Duke pasur parasysh se ne jemi krijesë e SHBA-së, dhe kemi pasur mbështetjen e patundur në të gjitha fazat e zhvillimit në Kosovë, duke përfshirë periudhën para lufte, ku SHBA ka luajtur një rol kyç në përkujdesjen e popullit të Kosovës në një kohë kur ne pothuajse ishim në një gjendje të pa shpresë, nën regjimin serb, nën presionin e tmerrshëm etj.
Por, edhe gjatë periudhës pas luftës dhe pas shpalljes së pavarësisë së Kosovës, SHBA ka qenë me ne në çdo hap. Tani kemi arritur në një pikë ku më nuk na bëjnë përshtypje”, është shprehur Spahiu.
Duke folur për raportet Kosovë – SHBA, Spahiu theksoi se mos ftesa për Samit është alarm për raportet, duke numëruar tri arsye pse kanë ardhur gjërat deri në këtë pikë.
“Ka disa faktorë, kemi parë disa lëvizje jo fort të matura të Qeverisë, siç është projekti i gazit, që është në interes gjeostrategjik të SHBA-së dhe ne treguam një injorim, jo vetëm që së pranuam por edhe që e kaluam shumë shpejtë. E dyta, është një farë lloj qëndrimi jo fort i gatshëm për tu angazhuar në procesin e dialogut në mënyrë më konstruktive.
E treta është hezitimi për të pranuar marrëveshjen e Donald Trump midis dy vendeve, që ishte në Washington që u nënshkrua nga pala amerikane dhe nga të dyja palët që ishin atje. Dhe zgjedhja jonë që të kemi një pranim selektiv të pikave të asaj marrëveshje”, ka potencuar ai për Telegrafin.
Ish ambasadori deklaroi se Kosova nuk e ka luksin që të përzgjedhë se cilat pika të marrëveshjes së arritur në Washington do të zbatojë, pa marrë parasysh se marrëveshja është arritur nga një qeveri e mëparshme.
Pavarësisht situatës së krijuar, Spahiu vlerëson se SHBA nuk do të hakmerret në të ardhmen ndaj Kosovës, duke shtuar tutje që liderët kosovarë duhet të gjejnë mënyra për rregullimin e raporteve.
“Unë mendoj që nuk është diçka që mund të na hakmerren në të ardhmen, nëse i biem alarmit dhe e dëgjojmë zilen e alarmit, dhe vendosim raportet në binaret e duhura. Liderët tanë duhet të gjejnë mënyrë që të organizojnë takim të lartë në SHBA me liderët dhe të bisedojnë për pengesat”, ka pohuar ai.
Spahiu gjatë intervistës e ka quajtur të pajustifikueshme mungesën e ambasadorëve në shtetet e ndryshme në botë. Gjithashtu ai ka komentuar edhe situatën në rajon, dhe tensionet në Bosnjë e Hercegovinë.
Të tjera
-
Ferizaj, policia: Në prill mbi 1700 gjoba për tejkalim të shpejtësisë, 387 të tjera për përdorim të telefonit
Gjatë muajit prill, policia në Ferizaj ka shqiptuar 1736 gjoba për tejkal...
-
Mas akra e Studimes, Kurti: Nuk ka paqe pa drejtësi për vikt imat
Janë bërë 25 vjet që nga koha kur në Studime të Vushtrrisë forcat kriminele s...
-
ShSKUK-ja bëhet edhe me dy klinika, kostoja mbi 4 milionë euro
Ministri i Shëndetësisë, Arben Vitia dhe drejtori i ShSKUK-së, Elvir Azizi, k...
-
Aliu për borxhet e kompanive që ambalazhojnë ujin: Nuk ka asnjë vendim për falje borxhi
Ministri i Mjedisit, Planifikimit Hapësinor dhe Infrastrukturës, Liburn Aliu,...
-
Pas 22 vjetësh, 1 euro vlen më pak se 100 lekë
Për herë të parë që nga viti 2002 kur hyri në Shqipëri, euro po këmbehet ...
-
Haxhiu e quan palaço opozitën, thotë se ishin të korruptuar
Ministrja e Drejtësisë, Albulena Haxhiu, ka qenë goxha kritike ndaj opozitë s...
-
Stano: Masat hiqen kur vendosin vendet e BE’së e jo kur duan politikanët e Kosovës
Kryeministri Albin Kurti ka kërkuar sot ga Bashkimi Europian heqjen e masave ...
-
Kurti: Nuk ka paqe pa drejtësi për viktimat
2 maj 1999 shënon një nga ngjarjet më të kobshme gjatë luftës në Kosovë. 2...
-
Ali Ahmeti nderohet me titullin “Qytetar Nderi” i Tiranës, Rama: Falë tij shqiptarët në Maqedoni po përjetojnë ditët më të mira
Kryetari i BDI-së në Maqedoninë e Veriut. Ali Ahmeti u nderua me titullin “Qy...
-
Murati mburret përballë opozitës: Në Raportin e DASh-it fjala “korrupsion” përmendet 12 herë
Ministri i Financave, Hekuran Murati, ka komentuar Raportin e Departamentit A...
-
Zihen për foltore, Saranda Bogujevci kërkon nga sigurimi t’i largojë nga seanca Ferat Shalën dhe Salih Zybën
Nënkryetarja e Kuvendit të Kosovës, Saranda Bogujevci, ka kërkuar nga sigurim...
-
Masakra e Studimes, Osmani: Të vërtetën do ta mbrojmë kurdo e kudo
Presidentja e Kosovës, Vjosa Osmani, në akademin përkujtimore për Masakrën e ...