Fokus

Rënia dhe shkëlqimi i partive brenda katër vitesh

Autori: H. Smajli 10:49 | 19 October 2021

Vlerësimi sipas votave të qytetarëve për partitë politike në vend po tregon një dallim të madh nga zgjedhjet lokale krahasuar me ato parlamentare.

Mirëpo një dallim i tillë ekziston edhe nëse krahasojmë zgjedhjet lokale të këtij viti me ato para katër vitesh, të 22 tetorit të vitit 2017.

Kështu në zgjedhjet lokale të vitit 2021 partitë pësuan rënie e ngritje.

-Advertisement-

Lëvizja Vetëvendosje dhe Partia Demokratike e Kosovës janë dy partitë që kanë shënuar rritje në rezultatin e zgjedhjeve lokale të së dielës në rezultatet e raundit të parë.

Krahasuar me zgjedhjet lokale të vitit 2017, LVV-ja ka shënuar një rritje prej 57 mijë e 127 votash, ndërsa PDK-ja një rritje prej 7 mijë e 872 votash.

Derisa në vitin 2017 në nivel lokal partia tash në pushtet arriti të marrë 148 mijë e 727 vota në zgjedhjet e vitit 2021 kjo shifër u rrit në 205 mijë e 854.

Ndërsa PDK-ja pati një rritje si asnjëherë më parë në komunën e Prishtinës, e në total në vitin 2017 kjo parti fitoi besimin e 163 mijë e 758 qytetarëve kurse në vitin 2021, mori 171 mijë e 630 vota.

Partitë që pësuan rënie krahasuar me vitin 2017 në këto zgjedhje janë Lidhja Demokratike e Kosovës dhe Aleanca për Ardhmërinë e Kosovës.

Në krahasim me vitin 2017, LDK-ja ka marrë 48 mijë e 908 vota më pak. E megjithatë lideri i kësaj partie, Lumir Abdixhiku po e konsideron një ngritje të LDK-së, krahasuar me zgjedhjet parlamentare të 14 shkurtit të sivjetëm.

Një rënie jo të lehtë ka pësuar edhe AAK-ja në krye me Ramush Haradinajn. 22 mijë e 283 qytetarë nuk i besuan kësaj partie njëlloj siç bënë në vitin 2017.

E edhe në Prishtinë për dallim nga PDK-ja që pati një rritje, as kësaj here kandidati i AAK-së, Daut Haradinaj nuk arriti të votohet më shumë se 4.50%.

Në vazhdim gjeni numrin e votave të partive në zgjedhjet lokale të vitit 2017 dhe vitit 2021:

Nga sa vota morën partitë politike në zgjedhjet e 17 tetorit, 2021:

VV – 205. 854 vota

LDK – 181. 121 vota

PDK – 171. 630 vota

AAK – 85.555 vota

Nga sa vota morën partitë politike në zgjedhjet lokale 2017

LDK – 230 029

PDK – 163 758

VV – 148 727

AAK – 107 838./Gazeta Infokus/

 

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

fokus