Lajme

Kosovarët ia mësyejnë plazhit të Durrësit edhe në muajin tetor

Autori: Gazeta inFokus 08:26 | 03 Tetor 2021

Fillimi i Tetorit, shoqëruar me temperatura të larta ka rikthyer pushues të shumtë në plazhin e Durrësit.

Vizitorë të grupmoshave të ndryshme po shijojnë rrezet e diellit dhe ujin e detit.

Të ardhur kryesisht nga Kosova dhe Maqedonia, por edhe vendas ata zgjedhin bregdetin për të kaluar fundjavën.

-Advertisement-

Dikush duke marrë rreze dielli apo larë në det, e të tjerë e shfrytëzojnë për të shëtitur, vrapuar apo edhe për të drekuar.

Frekuentuesit shprehen të kënaqur me atë çfarë gjejnë në këto ditë të nxehta vjeshte, duke pohuar se do ta frekuentojnë për sa kohë të ketë diell.

“Tani jemi në muajin e dhjetë, është kohë e mirë, jemi të kënaqur në përgjithësi”, u shpreh një pushues.

“Kemi pritur që ta kemi këtë fat që të ketë diell këtu. Sa të mbajë koha me diell, këtu do të rri”, tha një tjetër.

Operatorët turistikë thonë se prenotimet nga pushuesit vijojnë ende favorizuar nga moti i mirë, ndërsa sezonin veror të lënë pas e konsiderojnë si të suksesshëm.

“Është diçka që e favorizon bregdetin e Shqipërisë që është klima shumë e mirë dhe e ngrohtë. Siç shihet, tani jemi në Tetor dhe është 27 gradë që janë temperatura fantastike. Ky vit ishte shumë i mirë, i suksesshëm, pavarësisht se pati vështirësitë e veta, pjesa e orarit, distancomi, mbyllja e muzikës, përsëri të njëjtat masa kufizuese si vitin e kaluar”, u shpreh Albulen Rrepepaj, menaxher i një hoteli në bregdet.

Plazhi i Durrësit mbetet mjaft i frekuentuar jo vetëm gjatë stinës së nxehtë të verës, por gjatë gjithë vitit.

Duke u kthyer ndër zgjedhjet e para për dhjetëra e qindra, qytetarë të cilët një ditë pushimi duan ta kalojnë sa më pranë detit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy