OBSH: Ngadalësimi i vaksinimit në Evropë, i papranueshëm
Autori: Gazeta inFokus 23:16 | 01 April 2021
Ngadalësia e fushatave të vaksinimit në vendet evropiane kundër COVID-19 është e “papranueshme” dhe rrezikon të zgjasë pandeminë, tha të enjten një zyrtar i lartë i Organizatës Botërore të Shëndetësisë.
Dr. Hans Kluge, drejtori rajonal i OBSH-së për Evropën, tha se vaksinat “janë rruga më e mirë për të dalë nga kjo pandemi”, por vuri në dukje se deri tani, vetëm 10% e popullsisë së Evropës ka marrë një dozë dhe se vetëm 4% janë të mbrojtur plotësisht me dy doza.
“Për sa kohë që mbulimi mbetet i ulët, ne duhet të zbatojmë të njëjtat masa shëndetësore publike dhe sociale siç kemi bërë edhe në të kaluarën, për të kompensuar për vonesat,” tha Dr. Kluge.
Madje edhe këto shifra nuk japin një tablo të qartë të përmasave të problemeve me të cilat përballen 27 vendet e Bashkimit Evropian, ku vetëm rreth 5.6% e qytetarëve të tij që kualifikohen për vaksinë e kanë bërë fazën e parë të saj, sipas bllokut. Në Britani, kjo shifër është 46% e popullsisë së saj.
Dr. Kluge paralajmëroi qeveritë evropiane që të mos krijonin “një ndjesi të rreme sigurie” lidhur me fillimin e fushatave të tyre të imunizimit. Ai vuri në dukje se Evropa mbetet rajoni i dytë më i prekur në botë për sa i përket infeksioneve të reja dhe vdekjeve nga koronavirusi.
OBSH-ja tha që infeksionet e reja me COVID-19 po rriten në çdo grup moshë përveç atyre mbi 80 vjeç, një shenjë që përpjekjet e vaksinimit po ndikojnë në ngadalësimin e shpërthimeve tek më të moshuarit. Por agjencia shëndetësore e Kombeve të Bashkuara tha se “veprimi i hershëm” për të ndaluar përhapjen e virusit duhet të ndërmerret në mungesë të niveleve të larta të imunizimit.
Franca po ndërmerr bllokime të reja në shkallë vendi për të frenuar koronavirusin. Dhoma e ulët e parlamentit miratoi masat e njoftuara të mërkurën nga qeveria e Presidentit Emmanuel Macron.
Zoti Macron dha për një bllokim të tretë në shkallë kombëtare dhe tha se shkollat do të mbyllen për tre javë, mes rritjes së infeksioneve që kërcënojnë të mbingarkojnë spitalet.
OBSH thotë se javën e kaluar në rajonin e Evropës që ajo mbulon kishte 1.6 milion raste të reja dhe gati 24,000 vdekje. Bashkimi Evropian me 27 vende ka numëruar mbi 612,000 vdekje të lidhura me virusin, sipas Universitetit Johns Hopkins, dhe nëse llogariten vendet Evropiane si Britania, Rusia, Zvicra dhe të tjerët, Evropa ka pasur mbi 928,000 vdekje nga viruset gjatë pandemisë.
“Situata e rajonit është më shqetësuesja prej disa muajsh,” tha Dr. Dorit Nitzan, menaxheri i urgjencës i OBSH-së në Evropë, i cili paralajmëroi njerëzit të mos udhëtonin ose të mblidheshin në grupe të mëdha gjatë festave të ardhshme fetare.
“Shumë vende po vendosin masa të reja që janë të nevojshme dhe të gjithë duhet të ndjekin sa më shumë që të munden,” tha Dr. Nitzan.
Dr. Kluge tha se mesazhi i tij për vendet evropiane ishte se “tani nuk është koha për të lehtësuar masat.”./voa/
Të tjera
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...