Zgjedhjet 2021

Asllanaj në Mohlan, Krushicë e Ulët dhe Reqan : Bashkë, Lidhja po bëhet SHTET.

Autori: Gazeta inFokus 21:19 | 09 February 2021

Shpalosja e programit të LDK-së po nga ish kryetari i Komunës së Suharekës po vazhdon me intensitet të lartë.

Kandidati për deputet nga radhët e LDK-së Sali Asllanaj ka takuar strukturat e nëndegëve të fshatit Mohlan, Krushicë e Ulët dhe Reqan, me ç’rast potencoi se mbështetja e banorëve të kësaj ane është mjaft e madhe.

Asllanaj në vazhdimësi ka thënë se fitorja e LDK-së në Komunën e Suharekës është e sigurt.

-Advertisement-

“Nga përkrahja e marrë gjatë këtyre ditëve, nga elektorati dhe simpatizantët e LDK-së, fitorja është e sigurt me datë 14 Shkurt”, tha Sali Asllanaj, kandidati për deputet nga kjo parti që në listë mban numrin 41.

Asllanaj ndryshe edhe si ish kryetar i Komunës së Suharekës për tri mandate, por edhe si deputet në legjislaturën e viteve 2010-2013, gjatë të gjitha takimeve që ka mbajtur, e ka potencuar se LDK po shënon rritje si parti, dhe ka lënë të kuptohet që kjo do të jetë një fitore e radhës, e sigurt në Komunën e Suharekës.