Lajme

Tahiri kritikon kryetarët e komunave: Nuk kanë qenë në krye të detyrës në ditën e zgjedhjeve

Autori: Gazeta inFokus 17:52 | 14 February 2021

Abelard Tahiri nga Partia Demokratike e Kosovës ka kritikuar kryetarët e komunave që sipas tij në këtë mot me borë  nuk kanë qenë të gatshëm të krijojnë kushtet e nevojshme për qytetarë.

Tahiri përmes një konferencë për media ka thënë se kryetarët e komunave së bashku me institucionet nuk kanë qëndruar në krye të detyrës në ditën e zgjedhjeve.

“Kjo ditë e zgjedhje ka nxjerrë në pah mosgadishëmrinë e kryetarëve të komunave të jenë në krye të detyrës dhe në kuadër të kësaj ditë të vështirë atmosferike të krijojnë kushte që qytetarët të lëvizin lirshëm por kjo nuk i ka dekurajuar qytetarët”, ka thënë ai.

Gjithashtu Tahiri ka kërkuar nga qytetarët të dalin që të shfrytëzojnë të drejtën e tyre për votë.

“ Në emer të PDK i falenderoj qytetarët që kanë dalur për të votuar. Ne inkurajojmë që të gjithë të dalin të votojmë të gjithë qytetarët të shfrytëzojnë të drejtën e votës dhe të marrin pjesë në procesin e demokratizimit në vend. Ka mbetur edhe një orë e gjysmë që qytetarët të dalin të shfrytëzojne të drejtën për te vendosur të ardhmen e Kosovës. I ftojmë qytetarët të respektojnë distancën dhe kushtojnë kujdes maksimal”, ka deklaruar Tahiri./Gazeta Infokus/

Të tjera