Zgjedhjet 2021

Hoti: Kosova nuk do të përkrahë mentalitetin komunist më 14 shkurt

Autori: Gazeta inFokus 15:15 | 08 February 2021

Kandidati i LDK-së për kryeministër, Avdullah Hoti, tha të hënën në tubimin elektoral në Obiliq, se LDK është alternativa e vetme që e ruan shtetin e Kosovës dhe kursin e saj evropian.

“Shihni këta oponentët tanë si po dalin rrugëve me megafon, e me shirita të kuq që janë shenjë e komunizmit, shenjë e regjimeve totalitare. Më 14 shkurt të gjithë duhet ta kuptojnë se Kosova nuk mbështet mentalitetin komunist por e mbështetë mentalitetin zhvillimor evropian që përfaqësohet nga LDK-ja”, tha Hoti.

Kandidati i LDK-së, foli edhe programin e kësaj partie në zgjedhje, duke u zotuar se qeveria e re do të vazhdoj mbështetjen për komunën e Obiliqit.

-Advertisement-

“Obiliqi është vend që i jep energji gjithë Kosovës, i jep ngrohjen Prishtinës, prandaj qytetarët e Kosovës i kanë borxh Obiliqit dhe do ta kenë përkrahjen e qeverisë ashtu siç e kanë pasur deri tani nga qeveria e drejtuar nga LDK”, tha Hoti.

Ai kërkoi nga të gjithë që më të bashkuar se kurrë, t’i japin mbështetje LDK-së në zgjedhjet e 14 shkurti, sepse vetëm në këtë mënyrë bëhet e mundur ruajtja e shtetit dhe zhvillimi i tij.

“Jam këtu për të kërkuar besimin për të quar përpara misionin e shenjtë të ndërtimit të shtetit, mision i nisur 31 vite me parë. Ky mision destinacion, e ka anëtarësimin e Kosovës në Bashkimin Evropian dhe në NATO. Ne e kemi dëshmuar se mund ta bëjmë këtë. E kemi marrë qeverinë me sanksione amerikan dhe kemi përmbyllë vitin me marrëveshjen që i sjell Kosovës 1 miliardë euro investime, që i solli njohjen nga Izraeli. Po ashtu, viti është përmbyll edhe me vendimin që FSK si pjesë e ushtrisë amerikane të shkoj në misione paqeruajtëse në botë”, tha Hoti.