Kryeministri në detyrë, Avdullah Hoti, është deklaruar rreth skandalit që kishte ndodhur në Thesarin e Shtetit, ku ishin vjedhur mbi dy milionë euro.

Hoti ka treguar se pjesa më e madhe e këtyre parave tashmë janë gjurmuar dhe bllokuar.

”Ka ndodhur një rast i krimit të organizuar, në Thesarin e Shtetit, dhe unë pres rezultatet t’i shohim së shpejti. Nuk më takon mua, as nuk mundem, por as nuk i di plotësisht ato që po bëhen në proces të hetimit”, ka deklaruar Hoti.

-Advertisement-

Ai ka thënë se pret që sa më shpejt këto para t’i kthehen shtetit dhe që prokuroria të dal me rezultatet e hetimit.

“Atë që mund të them është se pjesa më e madhe e këtyre mjeteve janë gjurmuar dhe bllokuar dhe pres që prokuroria e shtetit të dal me rezultatet e hetimit dhe ato para do t’i kthehen shtetit”, ka thënë Hoti.

Ndryshe, skandali i vjedhjes së mbi dy milionë eurove nga buxheti i shtetit ishte planifikuar mbi një strategji që gjeti zbatim për 8 minuta.

Detaje se si personat e përfshirë në këtë vjedhje futën duart në Thesar ishin dhënë në dosjen e Prokurorisë Themelore të Prishtinës.

Në kërkesën për caktimin e paraburgimin ndaj të arrestuarit Labinot Gruda, Prokuroria kishte treguar se si në Ministrinë e Financave, Labinot Gruda për 8 minuta kishte krijuar usera fiktivë që do të duhej të dukeshin si të ishin të punëtorëve të këtij dikasteri, e që do t’i mundësonin pastaj që kundërligjshëm t’i transferonte 2,077,995.90 euro në llogari të kompanisë “LDA Group” me bazë në Llapushnik të Drenasit, pronë e Kadri dhe Valon Shalës, të cilët janë arratisur.

“Ky kusht është përmbushur me faktin se ekziston dyshimi i arsyeshëm se i pandehiru ka kryer veprën penale e cila i vihët në barrë me këtë kërkesë, gjë që argumentohet me faktin se si person zyrtar me qëllim të përfitimit për vete dhe tjetrit, me datën 09.10.2020 në intervalin kohor prej orës 12:11 deri në orën 12:19 nga zyra e tij në Ministrinë e Financave-thesari i Kosovës duke krijuar Usera të ndryshëm që duken si usera të punëtorëve të Minsitrisë së Infrastrukturës dhe të njëjtat i ka përdorur në mënyrë të kundërligjshme ka realizuar katër transaksione në vlerë të përgjithshmë prej 2 milionë e 77 mijë e 995 euro e 90 cent, në llogarinë bankare të kompanisë “LDA Group” Sh.P.K””, thuhej në kërkesën e Prokurorisë për të caktuar masën e paraburgimit për Grudën.

Për këtë rast ishte deklaruar edhe Ministrja e Financave, Hykmete Bajrami. Sipas saj, e gjithë kishte ndodhur përmes një falsifikimi.

Ajo kishte deklaruar se pas informatave të marra, pas tre minutash kanë njoftuar Policinë e Kosovës.

“Të jap një qëndrim të keqpërdorimit ka ndodhur para disa ditësh. E di që është interesim i të gjithëve. Ne kemi një kërkesë informacione të disa transaksioneve dhe për të parë Thesarin, pas tre minutash ne kemi informuar Policinë. Ky është një krim ekonomik ku janë krijuar qasje të pa autorizuara, është bërë keqpërdorim detyre dhe janë thyer pasëorde. Nuk është marrë asnjë nënshkrim i imi e as i drejtorit të Thesarit. Transaksioni është i gjurmuar dhe aty mund të vërehen se ku janë transferuar, nga kush janë transferuar e kështu më radhë”, kishte thënë Bajrami.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-