Të premtën e 4 shtatorit në Shtëpinë e Bardhë, Kosova e Serbia nënshkruan marrëveshje që po thuhet se është për normalizim ekonomik.

Megjithatë, këto dy marrëveshje nuk janë të njëjta me njëra tjetrën, shkruan Gazeta Infokus.

Në marrëveshjen që Serbia nënshkruajti me ShBA-në, nuk ekziston pika e fundit ku flitet për njohjen e Izraelit dhe Kosovës.

-Advertisement-

E presioni i Presidentit serb, Aleksandër Vuçiq ka bërë që e njëjtë të mos jetë as marrëveshja në mes të Kosovës dhe ShBA-ve.

Aty, Kosovës i është hequr fjala Republikë.

Republika e Kosovës në fakt përmendej në draftet e para që iu kishin prezantuar palëve, derisa Vuçiq pas takimeve të 3 shtatorit kur i pa këto drafte tha që po i bëhet presion i madh Serbisë për njohjen e Kosovës.

Kjo bëri që fjala Republikë të hiqej, shkruan Gazeta Infokus.

Kjo jo veç në marrëveshjen që nënshkroi Vuçiq me Presidentit Trump, por edhe në atë që ka nënshkruar Avdullah Hoti.

Kjo shihet edhe në marrëveshjet që i ka publikaur vet Kryeministria e Kosovës.

E për këtë punë nga zyra për media e Vetëvendosjes i kanë thënë Infokusit se është dëshmi e paaftësisë dhe dështimit të delegacionit kosovar që ishte në ShBA.

“Fakti që referimi i Kosovës si Republikë është larguar, ndonëse nën ndërmjetësimin e një shteti mik e partner sikurse ShBA-të, e i cili ndërmjetësues në draftin e parë ka qenë i gatshëm për përdorimin e emërtimit të plotë kushtetues të Kosovës, është dëshmi e pakontestueshme e paaftësisë dhe dështimit të delegacioni kosovar në ruajtjen e forcimin e subjektiviteti tonë ndërkombëtare dhe dorëzimit ndaj kërkesave të Serbisë – ngashëm sikurse dorëzimi ndaj kërkesave parakrake të Serbisë për largimin e reciprocitetit dhe suspendimit të përpjekjeve për anëtarësim në organizata ndërkombëtare”, thojnë nga Zyra për media e Vetëvendosjes.

E kjo gjë sipas Vetëvendosjes ishte pikërisht kërkesë e Serbisë, por që nuk është problemi veç i emërtimit si Republikë por edhe i Merdares veç si pikë kalim e jo pikë kufitare, shkruan Gazeta Infokus.

Krejt këtë Vetëvendosje e konsideron si shumë të rrezikshme për shtetësinë e Kosovës.

“Ky është një gabim fillestar që Kosova vazhdimisht e ka bërë në nënshkrimin e marrëveshjeve. Eliminimi i termit “Republikë”, dhe referimi i saj me vetëm Kosovo (Pristina) në dokumente zyrtare është kërkesë ekskluzive e Serbisë. Ajo, përmes kesaj forme arrinë që as mos ta diskutojë subjektivitetin ndërkombëtar të Kosovës në dokumente në të cilat është palë. Pikërisht duke iu referuar Kosovës pa emërtimin Republikë, ajo e trajton atë vetëm si territor ose njësi administrative. Në këtë mënyrë, Serbia arrinë ta mirëmbajnë çështjen e Kosovës si çëshjte të brendshme të saj. Dëshmi për këtë vlen edhe fakti se në marrëveshje, pikës kufitare në Merdare, Kosova është pajtuar t’i referohet si pikë kalim (common crossing point facility), e jo pikë kufitarë – që do të nënkuptonte kufi ndërshtetëror. Ështe e qartë që në këtë dokument, Kosova edhe një herë ka përfunduar duke qenë temë e bisedimeve e jo palë, dhe me vullnet të saj është trajtuar si cështje e brendshme e Serbisë. Prandaj kjo marrëveshje është e dëmshme dhe e rrezikshme. Kosova edhe një herë, duke u përfaqësuar nga individë pa përgatitje, pa planifikim, dhe pa legjitimitet, në një proces pa parime dhe pa synime të dakorduara paraprakisht, doli nga bisedimet më pak se që ishte në fillimin e tyre”, thonë nga Zyra për media e Vetëvendosjes./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-