Ekonomi

Zyrtare: Nuredin Krasniqi e merr Telekomin e Kosovës

Autori: Gazeta inFokus 12:27 | 16 March 2018

Punën e drejtorit të deritashëm të Telekomit të Kosovës, Agron Mustafës, deri në zgjedhjen e drejtorit të ri do ta kryej Nuredin Krasniqi.

Të premten edhe zyrtarisht ai ka marrë këtë detyrë, thuhet në njoftimin e zyrës për media të këtij institucioni.

Në Telekomin e Kosovës thonë se pas skadimit të kontratës së ish Drejtorit Mustafa, janë krijuar vështirësi edhe në aspektin e operimeve e edhe në atë të vendimmarrjes, gjersa shpresojnë që kjo të mos përsëritet.

-Advertisement-

“Telekomi i Kosovës udhëhiqet sipas Ligjeve mbi Ndërmarrjet Publike dhe Qeverisje Korporative të Republikës së Kosovës. Mungesa e Bordit të Drejtorëve dhe së fundmi skadimi i kontratës së punës (23.02.2018) së Kryshefit Ekzekutiv, ka bërë që operimet, vendimmarrja si dhe implementimi i strategjisë në Telekomin e Kosovës, të kenë vështirësi (si në aspektin formal ligjor e procedural, ashtu edhe në atë bisnesor)”.

Pas analizës së kësaj situate të krijuar, Menaxhmenti Ekzekutiv ka vendosur që ushtrimin e detyrës së Zëvendës KE do vazhdojë të ushtrojë sipas vendimit të Bordit z.Nuredin Krasniqi, deri në një vendim tjetër që do të merret nga aksionari.

“Gjendja e krijuar në Telekom është rast i veçantë i pandodhur më parë, me qëllimin dhe vullnetin më të mirë si dhe obligimet që dalin nga detyrat dhe përgjegjësitë e punës, ushtrimin e detyrës së Zëvendës KE do vazhdojë të ushtrojë sipas vendimit të Bordit z.Nuredin Krasniqi, (prot.01-5351/15 dt.25.11.2015) deri në një vendim tjetër nga Aksionari”, thuhet në njoftimin e Telekomit.

Në këtë institucion thonë se ndonëse kishte zëra se Këshilli Ndërministror kishte rekomanduar Qeverisë për vazhdim të kontratës për Mustafën, “në mënyrë zyrtare apo formale një gjë e tillë nuk kishte ndodhur, pra Telekomi nuk ka asnjë informatë”/Infokusi/

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

ekonomi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy