Lajme

Zgjedhjet lokale do t’i kushtojnë 10 milionë euro buxhetit

Autori: Gazeta inFokus 08:20 | 22 Shtator 2017

Organizimi i zgjedhjeve lokale në Kosovë pritet t’i kushtojë buxhetit të vendit hiç më pak se 10 milionë euro, duke përfshirë këtu edhe balotazhin pasi pak kryetarë kanë gjasa të zgjidhen në rundin e parë

Organizimi i zgjedhjeve lokale, të cilat priten të mbahen më 22 tetor të këtij viti, pritet t’i kushtojë buxhetit të shtetit më së paku 6 milionë euro. Kështu kanë bërë të ditur zyrtarë të Komisionit Qendror të Zgjedhjeve (KQZ), të cilët kanë thënë se kostoja e saktë mund të bëhet e ditur tek pas përfundimit të procesit.

Ndërkohë, duke marrë parasysh se në zgjedhjet e kaluara prej 38 komunave 25 patën shkuar në balotazh, kostoja e zgjedhjeve mund ta kapë shifrën prej 10 milionë eurosh. Nga ana tjetër, përfaqësues të shoqërisë civile konsiderojnë se përpos buxhetit të shtetit partitë financohen edhe në mënyra joligjore gjatë fushatave, shkruan Zeri. Me këtë rast, mostransparencën e tyre lidhur me financimin ata e shohin si tejet shqetësuese.

-Advertisement-

Por pavarësisht kësaj, përfaqësuesit e subjekteve politike thonë se janë transparentë sa i përket kësaj çështjeje. Ndërkohë, në zgjedhjet e 22 tetorit kontribut do të japë edhe misioni i OSBE-së në Kosovë, i cili ndonëse nuk do ta monitorojë procesin, do të ofrojë ndihmë teknike në këto zgjedhje.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy