Lajme

Vëllai i deputetes së VV-së padit Ministrinë e Drejtësisë për shkarkimin e tij nga detyra

Autori: Gazeta inFokus 15:15 | 15 March 2023

Përmbaruesi privat Ilir Mulhaxha, ka paditur Ministrinë e Drejtësisë, e cila me anë të një vendimi të marrë më 28 shkurt të këtij viti e ka pushuar nga detyra.

Mulhaxha, i cili është vëllai i deputetes së Lëvizjes Vetëvendosje në Kuvendi i Kosovës, Fatmire Mulhaxha-Kollçaku, ishte pushuar nga puna me arsyetimin se Komisioni Disiplinor i Ministrisë, kishte gjetur shkelje dhe kishte vlerësuar që ai duke kryer veprime përmbarimore në kundërshtim me ligjin. Vendimin për largimin e tij nga puna e kishte nënshkruar dhe kumtuar zëvendësministri i Drejtësisë, Blerim Sallahu.

“Ju njoftoj se Shoqëria e Avokatëve Koci & Vokshi jemi autorizuar nga kolegu ynë përmbarues Ilir Mulhaxha, për ta përfaqësuar në rastin e shkarkimit të tij nga funksioni i Përmbaruesit Privat. Me këtë rast, dje kemi dorëzuar Padinë për anulimin e vendimit si dhe kërkesën për shtyrjen e ekzekutimit të këtij vendimi”, ka shkruar Koci në Facebook.

-Advertisement-

Avokati Koci ka thënë se janë të bindur se gjykata do t’u japë të drejtë argumenteve të tyre, ngase siç thotë ai, vendimi për shkarkim është krejtësisht i paligjshëm.

Postimi i plotë:

Ju njoftoj se Shoqëria e Avokatëve Koci & Vokshi jemi autorizuar nga kolegu ynë përmbarues Ilir Mulhaxha, për ta përfaqësuar në rastin e shkarkimit të tij nga funksioni i Përmbaruesit Privat. Me këtë rast, dje kemi dorëzuar Padinë për anulimin e vendimit si dhe kërkesën për shtyerjen e ekzekutimit të këtij vendimi.

Unë dhe kolegu Granit Vokshi, jemi të bindur se Gjykata do t’i japë të drejtë argumenteve tona, ngase vendimi për shkarkim është krejtësisht i paligjshëm dhe si i tillë e cenon rëndë sigurinë juridike në Kosovë.

Subscribe në YouTube: GAZETA INFOKUSI