Presidenti Hashim Thaçi ka dhënë intervistën e fundit para vendimit në Hagë, ku ai dhe ish-krerët e tjerë të Ushtrisë Çlirimtare të Kosovës po mbahen në paraburgim.

Thaçi, në një intervistë për Top Channel, foli shkurt për akuzat e Prokurorisë, duke përmendur edhe ndërkombëtarët.

Ai u shpreh se partnerët ndërkombëtarë ishin në terren, ndërsa përmendi edhe dëshmitë e diplomatëve dhe komandantëve të njohur ndërkombëtarë.

-Advertisement-

“Demokracitë perëndimore na ndihmuan kur e kuptuan qartë qëllimin dhe mjetet për realizimin e synimit tonë. Ne ishim plotësisht transparent me shtetet me partnere. Tani prokuroria thotë se gjoja … Thaçi i ka mashtruar ndërkombëtaret, ky pretendim sa është qesharak, po aq është absurd dhe ofendues. Ndërkombëtarët ishin me ne në terren. Ata e njihnin shumë mirë me objektivin dhe nivelin modest e autentik të përpjekjeve per organizimin e rezistences. Diplomatë dhe ushtarakë të respektuar amerikanë e evropianë erdhën si dëshmitarë dhe e deklaruan te vërtetën edhe në sallën e gjyqit”, tha Thaçi.

Mes tjerash, presidenti ka thënë se Kosova duhet të merret më pak me histori dhe të punojë më shumë për stabilitetin shtetëror dhe mirëqenien qytetare.

“Vlerat e rezistencës për çlirim dhe shtet do të kapërcejnë procese e procese, do të kapërcejnë mandate liderësh, kryeministrash e presidentësh. Pra, do të jetojnë dekada, shekuj e mijëvjeçarë në historinë e kombit shqiptar.

Natyrisht, si të gjitha historitë e kombeve, edhe historia e Kosovës do të interpretohet dhe riinterpretohet. Me kalimin e kohës, ajo edhe do të evoluojë, do të transformohet, por kurrë askush nuk do të arrijë ta tjetërsojë”, u shpreh ai.

“Kosova kishte shumë histori, por i mungonte liria dhe shtetësia. Sot është koha që Kosova të merret më pak me histori e më shumë të punojë për stabilitetin shtetëror dhe mirëqenien qytetare.

Sa më shumë merremi me histori, aq më gjatë do të vazhdojnë deformimi politik dhe stanjacioni ekonomik”, tha tutje Thaçi.

Udhëto Oslo – Prishtinë çdo javë me PrishtinaTickets

Sponsoruar

-Advertisement-