Tentimi i kryetarëve të rinj të Zveçanit, Zubin Potokut dhe Leposaviqit për t`u hyrë në objektet e komunave ka nxitur reagim të ashpër të serbëve lokalë. Menjëherë janë lëshuar alarmet në këtë pjesë të vendit dhe ka filluar grumbullimi i qytetarëve për t`i bllokuar hyrjet e objekteve të komunave. Kjo ka nxitur tensionimin e situatës, e cila ka çuar edhe në intervenimin e Policisë së Kosovës.

Situata më e tensionuar ka qenë të objektin të Komunës së Zveçanit. Aty është dashur intervenimi i policisë, duke hedhur gaz lotsjellës për ta shpërndarë turmën.

Disa media lokale kanë raportuar edhe për të shtëna me armë, por nuk është treguar se kush e ka bërë këtë veprim.

-Advertisement-

Në largim e sipër, protestuesit e inatosu kanë djegur edhe një veturë të policisë së Kosova.

Pas zhbllokimit të hyrjes se objektit, kryetari i Komunës së Zveçanit, Ilir Peci , ka konfirmuar për gazetën Nacionale se ka hyr në objektin e komunës.

Reagimet e institucioneve

Për situatën në veri ka reaguar Policia e Kosovës (PK). Përmes një komunikate, policia ka njoftuar se është duke i asistuar kryetarët e komunave në veri për të ushtruar të drejtën e tyre në punë, në objektet zyrtare të komunave përkatëse.

“Policia e Kosovës (PK), sipas autorizimeve ligjore dhe kushtetuese po ndërmerr veprimet e saja policore në ofrimin e sigurisë, ruajtjen e rendit dhe sigurisë publike si dhe ndërmarrjen e masave policore me qëllim të parandalimit të të gjitha veprimtarive kriminale që paraqiten në vend. Sipas detyrës zyrtare, sot Policia e Kosovës është duke asistuar kryetarët e komunave veriore Zveçan, Leposaviq dhe Zubin Potok, për të ushtruar të drejtën e tyre në punë, në objektet zyrtare të komunave përkatëse”, është thënë në komunikatën e Policisë.

Më pas ka reaguar edhe Ministri i Administrimit të Pushtetit Lokal, Elbert Krasniqi. Në profilin e tij në “Facebook”, ai ka shkruar se kryetarët e rinj punën duhet ta ushtrojnë në objektet zyrtare të komunave.

‘’Pas mbajtjes së zgjedhjeve të datës 23 prill, janë mbajtur seancat konstituive në Mitrovicën Veriore, Zveçan, Zubin Potok dhe Leposaviq. Dje u betuan edhe kryetarët e komunës së Zveçanit, Zubin Potokut dhe Leposaviqit. Për ta sot është dita e parë e punës. Punë dhe shërbim të cilin duhet ta kryejnë nga zyret e Komunave bashkë me shërbyesit civilë’’- shkroi Krasniqi në rrjetin social ‘’Facebook’’.

Sipas tij, institucionet qendrore e kanë obligim që t’ua sigurojnë e mundësojnë përmbushjen e obligimeve tre kryetarëve të zgjedhur.

‘’Ata janë zotuar që do t’i shërbejnë të gjithë qytetarëve pa dallim. Si ministri dhe institucione qendrore japim mbështetjen tonë të plotë në përmbushjen e obligimeve kushtetuese dhe ligjore të kryetarëve të rinj. E si institucione qendrore e kemi obligim që t’ua sigurojmë dhe mundësojmë përmbushjen e këtyre obligimeve’’- tha Krasniqi.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-